مامۆستایان و زانایانی ئاینی و ئەندامانی کۆنگرەی ئیسلامی دیموکراتیک لەباشوری کوردستان بەیاننامەیەکی هاوخەمیان بۆ بومەلەرزەکەی باکور و ڕۆژئاوی کوردستان دەرکرد.
ئەمەش دەقی بەیاننامەکەیە.
بەناوی خوای گەورەو میهرەبان بابەت: هاوخەمی وهاوسۆزی
بەناوی مامۆستایان و زانایانی ئاینی و ئەندامانی کۆنگرەی ئیسلامی دیموکراتیک لەباشوری کوردستان ، زۆر دڵگران و خەمبار بووین بەبیستن و بینینی دیمەن و هەواڵی بوومەلەرزەکەی باکور و ڕۆژئاواو باشوری کوردستان کەبەداخەوە بەم هۆیەوە سەدان شەهید و برینداری لێکەوتۆتەوەو زەرەدوو زیانێکی زۆری گیانی و مادی گەیاندووە بە خەڵکی سڤیل و هاوڵاتیان، بەڕاستی کارەساتێکی دڵتەزێن و تراژیدیایەکی گەورەوخەم هێنەرە بۆ تەواوی نەتەوەکەمان و مرۆڤایەتی لەجیهان بەگشتی بەم بۆنە دڵتەزێنەوە پرسەو سەرەخۆشی خۆمان ئاڕاستەی کەس وکاری شەهیدان و نەتەوەکەمان دەکەین و ئومێدی چاکبوونەوەو شیفای خێرابۆ بریندارەکان دەخوازین وەداوالە موسڵمانان ووڵاتان و ڕێکخراوەکان و خێرخوازان و دڵسۆزان دەکەین هەرچی زووە بەهانای ئەو ئەوخڵکەوە بچن و ڕۆڵی خۆتان بگێڕن لەڕزگارکردن و هاوکاری لێقەوماوانی ئەو ڕووداوە کارەسەتبارە.
مامۆستایان و زانایان وئەندامانی کۆنگرەی ئیسلامی دیموکراتیک لە باشوری کوردستان
٦/٢/٢٠٢٣