ژنە چالاکوانێکی بادینان بەبێ دادگاییکردن ١٦ مانگە دەستگیرکراوە

ژنە چالاکوانێکی دەڤەری بادینان دایکی پێنج منداڵە و دوای ١٦ مانگ لە دەستگیرکردنی، بڕیارە ڕۆژی ١٤ی شوبات دادگایی بکرێت.

کامەران عوسمان، ئەندامی تیمی کوردستانی ڕێکخراوی CPTی نێودەوڵەتی رایگەیاند، بێریڤان ئەیوب چالاکوانێکی خۆپێشاندانەکانی ساڵی ٢٠٢٠ی پارێزگای دھۆکە و لە ١٣ی تشرینی یەکەمی ٢٠٢٠وە لە پارێزگای ھەولێر بە تۆمەتی تێکدانی ئاسایشی نیشتیمانی دەستگیرکراوە وتائێستا بەبێ دادگاییکردن لە زینداندا ھێڵدراوەتەوە.

وتیشی، وەک ناڕەزایەتیەک بەرامبەر بە دواخستنی دادگاییکردنی و ھێشتنەوەی لە زینداندا تا ئێستا ئەو چالاکوانە شەش جار مانگرتنی لە خواردن و خواردنەوە ڕاگەیاندووە و لەناو زینداندا توشی نەخۆشی شەکرە بووە.

ئاماژەی بۆ ئەوەشکردووە، بێریڤان تەمەنی ٣٦ ساڵە و خاوەنی پێنج منداڵە، لە دوای دەستگیرکردنی ھاوسەرەکەی لە بێریڤان جیابویەوە. ئەو ئەندامەی ڕێکخراوی CPT ئاشکراشیکرد، دوای ساڵێک لە دەستگیرکردنی و لە چوار مانگی ڕابردوودا تەنیا چەند جارێک ڕێگە بە بێریڤان دراوە چاوی بە پارێزەرەکەی بکەوێت.

کامەران عوسمان دەشڵێت، دۆسیەی بێریڤان دۆسیەی ژنێکی چالاکوانی ناڕازی خەڵکی بادینانە و پێویستە گروپەکانی پارێزگاری لە مافی مرۆڤ لە ڕۆژی دادگاییکردنی ئامادەبن.

هەروەها چێکی بکە

شه‌ڕی گه‌لی شۆڕشگێڕی پێویستیه‌كی هه‌نووكه‌ییه‌

  گه‌نجۆ ژیندا    گه‌لی كوردستان و ته‌ڤگه‌ره‌ شۆڕشگێڕه‌كه‌ی له‌گه‌ڵ ئه‌وه‌ی خاوه‌نی زۆر ده‌سكه‌وتی مێژووی …

یەک کۆمێنت

  1. Mне способствовала Вся ваша исходная информация осознать мир полнее.

وەڵامێک بنووسە

پۆستی ئەلکترۆنیکەت بڵاو ناکرێتەوە .