ته‌ڤگه‌ر کۆمه‌ڵگه‌یه‌کی ئازاد و دیموکرات و ژینگه پاریز
بابەتی پەیوەندیدار
فاشیزمی تورک لە خوێنی کوردان تێرنابێت
جارێکی تر، دەوڵەتی تورکی رەگەزپەرستی دژ بە کورد، تاوانێکی دیکەی ئەنجامدا.
شەھید کردنی ھاووڵاتیی “مزەفەر حسێن خدر” و ھەردوو کورەکەی بەناوەکانی “محەمەد” تەمەن ١٨ ساڵ و “موبین” تەمەن١٣ ساڵ دانیشتوی گوندی کفرەدۆڵی قەزای حاجیاوای سەر بە ئیدارەی راپەڕیین، لەسەر رێگەی خەلەکان-دوکان، کردەوەیەکی تیرۆریستیی قێزەونە و دژ بە ھەموو بەھا و ئەخلاقێکی مرۆڤایەتییە، کە لەلایەن دڕندەکانی ئەردۆغان، دژ بە ھاووڵاتییانی مەدەنیی لە ھەرێمی کوردستان ئەنجام ئەدرێت.
دیارە حکومەتی عێراق و حکومەتی ھەرێمی کوردستان، خۆیان بە بەرپرسیار نازانن لە بەرامبەر خوێنی ھاووڵاتیی وڵاتەکەیان؛ ئەگینا لەوە پێشێلکاریی ئاشکراتر و دڕندانەتر ھەیە! باوک و دوو کوڕ، بە فڕۆکەی بێفڕۆکەوان لەلایەن تورکیاوە بۆمبباران بکرێن و لە ئۆتۆمبێلەکەیاندا ببنە قەرەبروت! دەبێت ھەر کوردێکی خاوەن ویژدان، لە بەرامبەر ئەو رەشەکوژییەی تورکیا بێدەنگ نەبێت، بێدەنگیی و بێ ھەڵوێستیی دۆخەکە خراپتر دەکات و کەس ژیانی سەلامەت نابێت.
گرنگە ئەو راستییە لای ھەموومان ددانی پێدابنرێت، تەنھا بە ئیرادە و رێکخستنی گەلەکەمان، تاکە رێگە ھەر ئەوەیە کە دەتوانرێت دوژمنان و سیخوڕە خۆفرۆشەکان بوەستێندرێن. دەبێت گەل خۆی بپارێزێت، خائینان و ھاوکارانی ئەو دەوڵەتە داگیرکەرە، ریسوا و وڵاتبەدەر بکرێن.
با ھەموومان بەرۆحێکی کوردانەوە، خاوەنداریی لە خوێن و جەستەی ھەڵقرچاوی شەھیدان “کاک مزەفەر، محمد، موبین”ی جوانەمەرگ بکەین، ئێش و ئازاری ئەو رووداوە تیرۆرستییە جەرگبڕە پێکەوە ھەڵگرین.
رۆحیان شاد و ئارام بێت، ھەزاران دروود لە گیانی پاک و بێگەردیان.
نەفرەت و سەرشۆڕیی بۆ دەوڵەتی فاشستی تورک و خائین و خۆفرۆشان.
تەڤگەری ئازادیی کۆمەڵگەی کوردستان
٢٠٢٤/٩/٤
