ته‌ڤگه‌ر کۆمه‌ڵگه‌یه‌کی ئازاد و دیموکرات و ژینگه پاریز
بابەتی پەیوەندیدار
ئەمڕۆ، ته‌رمی ژنێک له ده‌ربه‌ندی رانییه دۆزرایه‌وه، پۆلیس رایگەیاند ژنەکه ناسنامه‌یه‌كی پێ نییه و هۆکاری گیان لە دەستدانەکەی نازاندرێت.
عه‌لی قادر، وته‌بێژی به‌رگری شارستانیی راپه‌ڕیین راگه‌یاند، به‌یانی ئه‌مڕۆ له ده‌ربه‌ندی رانییه ته‌رمی ژنێک سه‌ر ئاو كه‌وتووه و پاشان هێزه‌كانی پۆلیس و به‌رگری شارستانیی لێ ئاگادار كراوه‌ته‌وه.
ئەوەشێ خستەڕوو، ته‌رمه‌كه‌ی لە پزیشكی دادی رانییه‌یە و هیچ ناسنامه‌یه‌كی پێ نییه، نازانین فڕێدراوه‌ته ئه‌و ئاوه‌وه بۆ ئه‌وه‌ی بخنكێت یان خۆی كه‌وتووه‌ته ناو ئاوه‌كه‌وه.
وته‌بێژی به‌رگری شارستانیی راپه‌ڕیین ئاماژەی بەوەشکرد، پێده‌چێت ئه‌و ژنە چه‌ند رۆژێك بێت خنكابێت و ته‌رمه‌كه‌ی ئه‌مڕۆ سه‌رئاو كه‌وتبێت.
