ڕۆژهەڵاتی کوردســــتان لەبەردەم گۆڕانکارییەکی گەورەدا

مژدە علی
بەشی سێهەم :
خۆبەڕێوبەری سیاسی و هەبونی خاکێکی یه کگرتوو لە دوتوێی دۆخێکی شڵەژاودا ، چۆن چارە دەبێ.
گەربگەڕێینەوە بۆ باسکردن لەو خاڵەی کە تێیدا ئەو میکرۆبە کوشندەیەیی، تەشەنەی کرد و بونەهۆکاری ئەو دۆخە شڵەژاویی و زوڵمگەراییەی کە نەک تەنها لە نێو کوردان ، لەتەواوی گەل و نەتەوە جوداکاندا هەیە، ئەویش هەڵە لەدوای هەڵەو لەیەکدی دانە لەناوخۆدا بەڵام کوردان نەیان توانیوە تەرکی بکەن، یان بە واتایەکی دی بڵێ خودی مێژووی خۆیان لە ڕابردوو نەبوەتە پەند و بە ئاگاهێنانەوەیان.
لە تەواوی دونیادا کاتێک لە بچوکترین پێکهاتە وە بیگرین تا ڕێخراو ، گروپ، حزب.هتد. ئەم دۆخە شڵەژاوییە تێدا تەشەنەی کردوە، دواجار وەک حانەیەکی شــــێربەنجەیی وایە زیاتر لەهەرکات و سەردەم و قۆناغێک ئێســـتا بەرۆکی کوردانی گرتوە ئەمما ئەوەی لێرەدا پرسیار دنێتە گۆڕی
داخۆ بیرو تێڕوانین و ئاستی نەتەوەیی و وشیاری کوردان گەشتۆتە ئەو ئـــاستەی کە هەوڵی بنبڕ کردن و لەناوبردنی خانە میکرۆبییە کان بدەن، کە بۆتە هۆی ئەو دۆخەی تەواوی کورد وەک نەتەوە و ســـتانیش وەک خاکەکەی توشی گێژا و داگیرکارییەکی بێوێنە کردۆتەوە.
هەڵبەتە هەموو ئەو کێشمە کێش وململانێیانەی بۆ دەسەڵات، هەڵپەی ئابوری.هتد لەم ناوچەیە دەگوزەرێ، جیا لەوەی هەمیشە خاکی کوردستان و کوردەکان، دەکەن بەقوربانی سیاسەتانی خۆیان، بەڵام سەرباری هەموو ئەو دوژمنکارییەی کە وڵاتانی ڕۆژئاوایی و هەرێمی بەرامبەر بە کوردان هەیانە ئەژمار نەهاتووە، لەگەڵ ئەوەشدا ناووشیاری و سیاسەتی چەوت و بنەماڵە گەری و خۆ خۆری و یەکدی قبوڵنەکردن و لەیەکدی دان، ئەو دۆخە شڵەژاوییەی لە ناوخۆدا دروست کردوە، هەر ئەمەش هۆکاری سەرەکییە تا چیرۆکی چاوچنۆکان و ئاسکە ئاڵتونیەکە بەسەر کوردان و خاکەکەی پەیڕەوو بکەن.
بۆیە هەر هەوڵانێک بۆ خۆ بەڕێوبەری و هەبوونی سیاسەتێکی گشتگیر، لە هەرتاکێکی کوردەوە بگرین، تا سیاسییەک، شۆڕشگێڕیک، کاربەدەستێک، هەمو ئەوانەی شەیدای داگیرکەرانن، پیان وایە، کاری ڕاست، تێکەڵبونە لەگەڵ دوژمنانی خاک و گەل، داخۆ لەخۆیان پرسیوە
بۆ وا پەیوەستی داگیرکەرانی کوردستانن، لەپێناو بەرژەوەندی کەسی و خێڵەکی، وەک نەریتێکی لێهاتووە و لە هارپاکۆســـەوە نەوە بە نەوە دەیگوازنەوە، یانی تاکەی دەبێ هۆشیاری هێندە سست بێت لە ئاست هەق و ڕاستی؟
تا کەی دیکتاتۆرە سەردەست و خوێنڕێژەکانی سەردەم ناناسین.
بەبیرهێنانەوەی ئەم نەریتە قێزەونە، سەرنجتـــان ڕادەکێشم بۆ ڕۆژهەڵاتی کوردســــتان، هەڵبەت ناڕۆمەوە بۆ ڕابردوو، بەڵام بەسەرنجدان بۆ هەمان نەریت لە ڕابردوو، دەکرێ کۆتای پێ بێت ئەو میکرۆبە کوشندەیه، کە ڕۆژ بە ڕۆژ سیاسەتی شەڕی تایبەتی داگیرکەران لە نێو کۆمەڵگای کوردیدا بۆ هەمان مەبەست خەریکە تەواو جێگای خۆی دەگرێ، لەوپێناوەشدا چەندەهــــا ساڵە بە بیانوی جودا جودا، کۆمەڵگەی کوردســــتان، لە ڕۆژهەڵاتدا توشی قەیرانی سیاسی، نەتەوەیی، ئایدۆلۆژی تێکەڵ بە ناوشیاری بونەتەوە، کە بێگومان هەمان ڕەوش لە باکوردا دەگوزەرێ
باشوریش ئەوە کە دیارە وەک حاسیبەیەکی دەستی دوژمنان بەکار دەهێنرێ و دوای تەواو بونی حساباتەکەیان هەموان دەزانین کە چی دێتە گۆڕی
بەهەرحاڵ ئەوەی هەیە و ئێستە دەتوانرێ کوردان بە سود وەرگرتن لەو بارودۆخەی ئێستە تەواوی ئێرانی گرتۆتەوە، قازانج وەربگرن تا بە خودی ئاسکە ئاڵتونیەی چەندەها ساڵە کە لێمان براوە بگەین نەک پاشماوەی ئاڵتونەکەی.
ئەویش بێگومان بە دەست خستنی چەند خاڵێک کە پێم وایە گرنگترینیان:
1/گرنگە لەگەڵ شرۆڤەی ئەو ڕووداوانە، هەم لەسەر ئاستی جیهانی و هەرێمی و نێو خۆیی، چینی ڕۆشنبیران و خامە بەدەستان، لەم قۆناغە چارەنوس سازەو سەدساڵەی پەیماننامەی لۆزان و هاوشێوەکانی، بە ئەرکی ئەخلاقی و ئینسانی، نەتەوەیی خۆی هەستێت ، کە بە ئاگاهێنانەوەی تەواوی چین و توێژەکانی کۆمەڵگەی کوردییە ، تایبەت گەنجان ، ژنان، ئەرکداران، چونکە هۆشیاری گەل دەتوانێت پێ بە پێ هەموو ئەو پلان و شــەڕە تایبەتییەی کۆماری ئیسلامی لە ئێراندا پەیڕەوی دەکات، مسۆگەر کۆتایی پێ بێنێت، و بێگومانیش جارێکی دیکە فەشەلهێنانەوەی بەرنامەی وڵاتانی جیهانییە تایبەت ڕوسیا و چین، کە بەرژەوەندییانە مانەوەی ئەو ڕژێمە تۆتالیتارو زاڵمە، کە بەردەوام و بێ وەســـتان لەوپێناوە کاردەکەن.
وڵاتانی هەرێمیش بێگومان دیارن.
هەربۆیەهوشیاری گەل و تەواوی کۆمەڵگە بێ جیاوازی(ڕەگەز، چین، ئایدۆلۆژی، نەتەوە….هتد)مسۆگەر هەم ڕێگای گەشـــتن بە ئــــازادی گەلان لەناوچەکەدا فەراهەم دەکرێ، هەمیش هەموو ئەو چین و توێژانەی کە تـــا قۆناغێک و تائێستاش بەهۆی بەرژەوەندی مادیی بێت یان بێ ئاگاییی، دژی ڕەوتی خەبات و بزوتنەوەی ڕزگاری خوازی گەلان و تەواوی کۆمەڵگە بونەتەوە ،دەوەستن لە هاوکاری ئەو ڕژێمە و خەتی خیانەت بەردەدەن، بۆیە هۆشیاری خاڵێکی گرنکە بۆ ڕێگری کردن لە لاوازی ناوخۆی و وەستانەوە لەبەرامبەر زولم و داگیرکاری دەرەکیش
2/ئەزمون و خوێننەوەی ڕووداوەکانی ڕابردوو، بەوەی گەیاندوین هیچ دەسەڵاتێک بە درێژای مێژووی حوکمڕانی لەم ناوچەیە تابیەت ئەو وڵاتانەی کە لەچەندین نەتەوەی جودا پێک هاتوون، لەوانەش کورد، هەمیشە دەسەڵاتە لومپەن و خوێنڕێژەکان، باوەڕی و هەست و عاتفی ئایدۆلۆژی کوردانی مسۆگەر کردوە بۆ خۆی، دواجاریش هەربەخۆمان ، خۆمانی لە لێواری لەناوچون و دۆخی دژوار گەیاندووە،سەرهەڵدانەکانمانی دژی ستەم و ناداتی کپ پێ کردۆتەوە، بۆ سەلماندنی ئەم ڕاستیێەش نمونەیەکی مێژووی دێنمەوە
لەدەورانی سەڵتەنەتی عوسمانیدا و بوونی هەندێک قەوارەو دسەڵاتی ناوچەیی میرنشینە کوردیەکانی سۆران، بادینان،بابان.هتد
کە تێیدا 33سەرۆک عەشرەت و کەسایەتی ئاینی کورد…! لەپێناو بەرژەوەندی خێڵەکی دەنگیان یەک خست و بۆ دەوڵەتی عوسمانلیان نارد تا میرنشینی سۆران لەناو ببات
خوێنەرانی هێژا ئەگەر ئەمە ماڵ وێرانی و پەرتەوازەیی و کەماسی ناوخۆییمان نەبێ چی ناودەنێن..!؟ هەمان ئەقڵیێەت، بە ناو و ڕەنگی جیاواز لە ئێستادا هەیە.
3/هەڵبەتە ناوەڕاستی دەیەیی سەدەیی بیستدا، چەندین ڕوداو پێشهاتی وەها هاتە ئاراوە کە کورد پێشکەشی نەتەنها تەواوی کوردان و خاکەکەی کرد، تەواوی مرۆڤایەتیشی لەو ڕووداوە دروستکراوەنە لەلایەن وێنڕێژانی سەردەم بۆ لەناوبردنی کۆی مرۆڤایەتی و نەتەوە دێرینەکانی ڕۆژهەڵاتی ناوەڕاست، هەربۆیە ئەگەر ڕۆژگارێک ناوی کورد و کوردستان نەبیسترابێ، ئەوا ئێستا تەواوی جیهان بە دۆزی ڕەوای ئەم گەلە ئاگادارن و شۆڕشی کوردان لەدژی تاریکی وا ئێستا لە ڕۆژهەڵاتدا لە لوتکە کەدایە چونکە وردە وردە نەخۆشییەکانی مۆدێرنیتەی ســـەرمایەداری لە زۆربوندان، هەموو سیستمە دەسەڵات خوازو ڕژێمە ستەمگەرەکان لە دۆخی پەلەقاژەی مەرگ و لە ناوچوندان.
4\لەم بارودۆخەدا ئۆپۆزسێۆنی ئێرانی گرنگە ئەوە لەبەرچاوبگرن و کە حوکمەتی داهاتووی ئێران و تەواوی گەلانی ئێران لەسەر بنەمای یەکدی قبوڵکردن بێت و زۆرداری و ستەم بۆ گەلانی غیرە فارس نەمێنێ
5/حزبەکانی ڕۆژهەڵاتی کوردســـتان و ڕۆڵ و پێگەیان لەم کاتەدا دەردەکەوێت ، بەرنامەی کارو هەوڵدان بۆ گەشتن بە مافەکانی کورد لە ڕۆژهەڵات و ئێراندا دەبێ دەست بخری، سود لە ئەزمونی سەرکەوتووی ڕۆژئاوا و هەڵە و کەماسییەکانی باشور وەربگرن و دوبارەی نەکەنەوە، مێژوو مێژوی ڕاست و هەق سەردەخات، و پرشنگدار دەکات
با ڕوی ئەم خاڵەم لە ناکۆکی و ناتەبایی لایەنەکانبێت لە ڕۆژهەڵاتدا.
6/هاوکات کورد دەبێ لەوبەشەی خاکەکەیدا جێ سەنگی خۆی دیاری بکات و لە نێو هاوکێشە سیاسەکەیدا بونی خۆی واتاداین بکات و قەیرانە ئابوری و کۆمەڵایەتییەکانن کە دروست بوون، ڕێگە چارەسەری و ئەڵتەرناتیڤیان هەبێ و بێ بەرنامانە کار نەکرێ، تا خوێنی شەهیدەکانیش کە لەو پێناوەدا گیانیان بەخت کردووە ون نەبێ
دواجار نە ڕەزا شایەکی دی دروست بێت، نە خومەینی و فکرەکانیان
ئەوەش بە هەوڵ و تێکۆشانی خەباتی تەواوی چین و توێژەکان دەبێ بێ جیاوازی لە ئێران و ڕۆژهەڵاتی کوردســـتاندا، تا نمونەیەکی جوانی خۆبەڕیوبەری بەرهەم بێت

هەروەها چێکی بکە

دووەمین کۆنگرەی تاژێ بەستترا

 نوچە ژنها تەڤگەری ئازادی ژنانی ئێزی “تاژێ” دووەمین کۆنگرەی خۆی بە ڕۆحی بەرخۆدانی ڕزگارکردنی شەنگال …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *