ته‌ڤگه‌ر کۆمه‌ڵگه‌یه‌کی ئازاد و دیموکرات و ژینگه پاریز
بابەتی پەیوەندیدار
سەروەر جەلال
دەمەوێت لە ھەواڵت بپرسم و بزانم ئێستا چۆنیت، خۆزگە دەخوازم ئێستا لە لە سوچێکی حەرەمسەراکەتەوە چاوم لێت بوایە کە ھەستت چۆنە(ئەگەر ھەتبێت)کەوا ئێستا ژینگە و سروشتی مەملەکەتەکەت وا وێران بووە و لەبەردەم کارەساتێکی گەورەدایە، حەزم دەکرد ئێستا بزانم ئایا تۆش وەک ئێمە نیگەرانیت.
کاتێک بە سوپا بێڕەحەم و کافر و مولحیدەکەتەوە کە بۆ مەرامی گڵاوی خۆت ناوت لێنابوو«سوپاکەی موحەممەد»چویتە سەر نیشتیمانی ئێمە و ھەرچی دار زەیتونی بە کەڵک ھەبوو بردت بۆخۆت و ئەوەی بۆت نەبرا سوتاندت و لەناوت برد،
ئێستا دۆخت چۆنە کاتێک دەبینیت خەڵکەکەت لەترسی سوتان و مردن ماڵ و حاڵیان بەجێدەھێڵن بە بەرچاویانەوە گوند و باخ ڕەز و ڕەنجیان دەسوتێت و ھیچیشیان پێناکرێت،
دەبێت ئێستا وەک ئێمەی کورد کاتێک کوێستانە دیمەن دڵڕفێنەکانی ئێمەت دەسوتاند خراپبیت وا لەبەرچاوی خۆت ناوچە گەشتیاریەکانی ووڵاتەکەت دەبن بە خەڵوز…
سەیرکە سوڵتان، ببینە چیت بەسەر ژینگە و سروشتی ئێمە ھێنا ئەوەتا بەسەرت ھاتەوە.
ڕەنگە ئەمە بچوکترین سزای خوابێت بۆ تۆ لە پای ئەو ھەموو ستەمەی لەژێر پەردەی ئاییندا دەیکەیت.
وێنەی بەشیک لە سوتانی دارستانەکان و شوێنی نیشتەجێبوون لە تورکیا
