دوژمنەكانیشمان هەمان سلۆگان ئەڵێنەوە!

لاست ئەمین

هەر كەسێك ژینگە پیس بكات  یان ژینگە بسوتێنێت و وێرانی بكات

پێی دڵخۆش بێت!
كوڕی ڕەسەنی فڕانكۆو مۆسۆلۆنی و صەدام و ئەردۆغانە
هەر ئەو هەستی فاشیست بوون و ڕایسیست بوون و ناسیۆنالیستە نەفرەتییەیە،
كاتێك داگیركەرێك نیشتیمانەكەت داگیرەكات، بۆی ئەبیتە جاسوس و ئەمن و طەواری و جاش و جاش خەفیفەو هتد.. براوكەس و كارو دۆستەكەتی بۆ بەگرت ئەدەیت و بەر شەق ئەدەیت و ئەكوژیت و پێش لەشكری ئەكەیت خاك و ونیشتیمانت داگیربكات و تاڵانیی بكات..
ئیماندارە فاشیست و ڕایسیستەكان، كاتێك هێرش ئەكەنە سەر هەر ناوچەیەك و ئەیانەوێت داگیرو وێرانی بكەن، نوێژ و دوعا ئەكەن، خوداكەیان سەركەوتوویان بكات!
قوربانییەكانی سەر بە هەمان ئایینو مەزهەب،هەمان دوعا ئەكەن هەمان خودا ئەوانی داگیركەریان بۆ لەناو بەرێت و وڵاتەكەیان بۆ وێرانبكات!
دیسان پرسیاری سەربازەكە ئەورووژێنمەوە كە كاتێك جەنەڕاڵەكەی پێی ئەلێت;
هێرش بەرن وهیچ مەترسن، خودا لەگەڵمانە و لە پشتمانە ئێمە سەرەكەوین!
سەربازێكیش ڕووی تێدەكات و ئەڵێت;
ئایا، جەنەڕاڵی گەورە، خودا خۆی بەوە ئەزانێت كە لەگەڵ ئێمەیەو پشتی ئێمەیە لەم جەنگە؟! چونكە
مرۆڤە دڕندەكان و دەسەڵاتدارەكان سنورەكانیان كێشا و زەویان پارچە پارچە كرد و لە نێوان خۆیان بەشیان كرد! بەڵام، دارستانەكان بە یەك زمان قسە ناكەن و ئاواز و گۆرانی تەنها بۆ گەلێك و وڵاتێك، ناڵێن.
بەڵكو، جوانییەكەی، پاكژكردنەوەی هەواو ئەو هەناسەیەی ئێمە هەڵیەمژین، بۆ هەمووانە.
مرۆڤایەتیی ئەمڕۆ پێویستە، دارستانە گڕگرتووەكان بێت و پێكەوە دژی ئەو دەست و دڵە ڕەش و پیسانەبێن، كە ئەمڕۆ دارستانەكان ئەسوتێنێت یان پێی دڵخۆشە! چونكە سبەی ئەگەر لە دەسەڵاتییدا بێت، هەمووان ئەسوتێنێت.

هەروەها چێکی بکە

ژنێکی عەدالەتخواز

کەمال چۆمانی ژنێکی عەدالەتخواز توڕەیییەکانی خۆی دژ بە مەسرور بارزانی لە بەرنامەیەکی راستەوخۆی لە رووداوی …

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *