ته‌ڤگه‌ر کۆمه‌ڵگه‌یه‌کی ئازاد و دیموکرات و ژینگه پاریز
بابەتی پەیوەندیدار
لە شەقامی بەردەم بینای ئەنجومەنی پارێزگای سلێمانی، سەدان خاوەن پێداویستی تایبەت چادریان هەڵداوە و سفرەی بەتاڵیان ڕاخست.
لە کاتژمێر ١٠:٠٠ی سەرلەبەیانیی ئەمڕۆوە، سەدان خاوەن پێداویستی تایبەت چوونەتە بەردەم بینای ئەنجومەنی پارێزگای سلێمانی و چادریان هەڵداوە، کەمئەندامان وەک ئاماژەیەک بۆ سفرەی ماڵەکانیان، سفرەی بەتاڵیان ڕاخستووە.
خاوەن پێداویستی تایبەت، بەم چالاکییە ناڕەزایی لەبەرامبەر خراپی دۆخی ئابوورییان دەردەبڕن و دەڵێن، بە مووچەی ١٥٠ هەزار دیناریی، جەژن ناکرێت.
ئەوان داوا دەکەن، نانی جەژنیان بۆ دابین بکرێت.
ناڕەزایی ئەوان لەکاتێکدایە، کە ڕۆژی ٢٠ی ئەم مانگە، یەکەم ڕۆژی جەژنی قوربانە و مووچەش بە ٤٥ ڕۆژ جارێک دابەش دەکرێت.
