ته‌ڤگه‌ر کۆمه‌ڵگه‌یه‌کی ئازاد و دیموکرات و ژینگه پاریز
بابەتی پەیوەندیدار
ئەبوبەكر مەجید
هێزی كاركردنی مروڤ، تەنها جەستە و فیكر نییە، لە هەندێ حاڵەتدا لایەنی مەعنەویی دوو هێندەی جەستە و فیكریی رۆڵ دەگێڕێت، بە تایبەتیی كاری پەروەردە و فێركردن، ئەگەر مرۆڤی پەروەردەكار خاوەنی مەعنەویاتێكی بەرز نەبێت، رەنگە پەیامەكەی كاریگەریی پێچەوانەی لەسەر خوێندكارەكانی هەبێت.
خاڵێكی تر، ئەگەر مامۆستا بێ مەعنەویات بوو، مەعنەویاتیش نادات بەكەس، بەڵام كێ لەم كەمو كووڕییە بەرپرسیارە؟ هەروەها بەڕێوەبەرایەتییەكانی خوارەوە بۆ بەرزتریین ئاست تا دەگاتە وەزیر و سەرۆك وەزیرانیش، چونكە ئەوان بڕیار بەدەست و خاوەندارایین، ئەگەر دەسەڵاتێك بیر لەم بەرپرسیارێتییە نەكاتەوە، كەواتە خۆی بە خاوەنی پرسەكە نازانێت، تەنها خۆی بە بەرپرس دەزانێت لە ئاستی پاراستنی بەرژەوەندییە تایبەتەكانیدا.
ئەم قەیران و نەهامەتییەی لە هەرێمی كوردستاندا هەیە، هۆكارەكەی ئابووریی نییە، ئەوە دەسەڵاتە هێندەی مێرولەیەك دڵی بە ژیانی خەڵك ناسوتێ و توخنی بەرپرسیارێتیی ناکەوێت.
لەم قۆناغەدا كە مامۆستایان لە بەرامبەر زەوت كردنی مافەكانیان بایكۆتی دەوامیان كردوە، هەموو هەفتەیەكیش بۆ بیرهێنانەوەی دەسەڵان خۆپیشاندانیان كردوە و لەسەر شەقام بوون، ئەمە ئەوپەڕی چالاكیی مەدەنیی و دیموكراتییە، بەڵام دەسەڵات یەك هەنگاو نەهاتووەتە پێشەوە و كار گەیشتووەتە ئەوەی بەم هەمو ناڕەزایی و چالاكییانە هیچ وەڵامێكی پۆزەتیڤ نەبووە، بەم حاڵە نائومێدە و دڵ شكاوییەوە مامۆستا بشگەڕێتەوە ناو پڕۆسەی خوێندن قوتابخانە تووشی داڕمانی مەعنەویی خوێندكاران و كۆمەڵگەش، ئەمە بۆ خۆی زەرەرێكی گەورەیە نەوەك دەسكەوت و سەر كەوتن.
