تێكشكان له‌ گۆڕه‌پانی شه‌ڕ و په‌لاماردانی خه‌ڵكی مه‌ده‌نی

گه‌نجۆ ژیندا

ئه‌و هێرش و په‌لامارانه‌ی ده‌وڵه‌تی داگیركه‌ری تورك كه‌ له‌ 17ی نیسانی ئه‌مساڵه‌وه‌‌ ده‌ستی پێكردووه، به‌هه‌موو دژواری خۆی به‌رده‌وام ده‌كات. له‌ماوه‌ی دوو مانگی شه‌ڕدا دوژمن هه‌موو جۆره‌ چه‌كێكی له‌سه‌ر گه‌ریلای ئازادی كوردستان تاقی كرده‌وه‌، به‌ چه‌كی كیمیاوی قه‌ده‌خه‌ كراوی نێوده‌وڵه‌تیش. به‌گوێره‌ی ئاماره‌كانی راگه‌یاندنی هه‌په‌گه‌ كه‌ رۆژانه‌ ئاماره‌كانی بۆ رای گشتی بڵاوده‌كاته‌وه‌، تائێستا زیاتر له‌ 1000 سه‌رباز و چه‌ته‌ و به‌كرێگیراوی دوژمن به‌سزای گه‌ل و شۆڕش گه‌ێنراون.

سوپای داگیركه‌ری تورك ئۆپه‌راسیۆنه‌ داگیركا‌ریه‌كه‌ی به‌ناوی چڕنوكی كلیل به‌ناو كردووه‌، گوایه‌ ده‌توانن به‌و هێرشه‌یان گه‌ریلا له‌ناو ببه‌ن. وه‌كو ئه‌وه‌ی خۆیان كردبێته‌ كۆتای مێژوو، یان خاته‌مه‌لئه‌نبیا و ئیتر شۆڕشی گه‌لێك كۆتای پێده‌هێنرێت!! له‌گه‌ڵ ئه‌وه‌ی 40 ساڵه‌ دوژمن ئه‌و پڕوپاگه‌نده‌یه‌ ده‌كات و ده‌ڵێت ها ئه‌مڕۆ ها به‌یانی گه‌ریلای ئازادی كوردستان له‌ناو ده‌به‌م!! به‌ڵام پێچه‌وانه‌كه‌ی گه‌ریلا هه‌تا رۆژی دواتره‌ به‌هێزتر ده‌بێت. ئه‌مه‌ش له‌مه‌یدانی شه‌ڕ و جه‌نگی 40 ساڵه‌دا سه‌لمێنراوه‌. گه‌ریلای كه‌ به‌فیكر و ئایدیۆلۆژیا و سیاسه‌تی ئه‌خلاقی خۆی ته‌یار كردووه‌، مه‌حاڵه‌ كه‌ دوژمنان و به‌كرێگیراونی بتوانن له‌ناوی به‌ره‌ن.

ده‌وڵه‌تی داگیركه‌ری تورك ئه‌گه‌ر پشتیوانیه‌كانی ناتۆ و به‌كرێگیراویه‌تی په‌ده‌كه‌ و هاوشێوه‌كانی نه‌بێت، ده‌مێك بوو به‌ ده‌ردی سه‌ددام چووبوو، سه‌ره‌ڕای هه‌موو ئه‌و پشتیوانی و به‌كرێگیراویه‌تیه‌، به‌ڵام دیسان پسكۆلۆژی شه‌ڕ له‌ده‌ستی گه‌ریلای ئازادیدایه‌. له‌لایه‌كیتریش دوژمن هه‌راسان كراوه‌ له‌ هه‌موو به‌ره‌كانی شه‌ڕ.

له‌بنه‌مادا دوژمن تێكشكاوه‌، به‌ڵام هه‌موو هه‌وڵێكده‌دا ته‌نها بۆ ئه‌وه‌ی شكانی خۆی قبوڵ نه‌كات. بۆیه‌ به‌رده‌وام به‌هاوكاری ده‌زگا سیخوڕیه‌كانی میت و پاراستن و زانیاری ئه‌ژی، خه‌ڵكی مه‌ده‌نی و بێ چه‌كی ده‌ره‌وه‌ی گۆڕه‌پانی شه‌ڕ ده‌كاته‌ ئامانج، كه‌ ئه‌مه‌ش له‌ ده‌ره‌وه‌ی هه‌موو ئه‌خلاقه‌كانی شه‌ڕ و هه‌تا دوژمنایه‌تیشه‌. له‌ هه‌موو ده‌ور و سه‌رده‌مێكدا، مرۆڤی بێ چه‌ك و له‌ ده‌ره‌وه‌ی گۆڕه‌پانی شه‌ڕ، له‌گه‌ڵ ئه‌وه‌ی كوشتنی له‌سه‌ر نییه‌، هه‌مانكات وه‌ك به‌شێكیش له‌ شه‌ڕ قبوڵ ناكرێت. به‌ڵام دوژمنی داگیركه‌ری كورد و ده‌زگا سیخوڕیه‌ به‌كرێگیراویه‌كانی ئه‌وه‌نده‌ دوورن له‌ ئه‌خلاق و پێوانه‌ مرۆیه‌كان، بێ گوێدانه‌ هیچ یاسا و پێوانێكی مرۆی و ئه‌خلاقی،په‌لاماری خه‌ڵكی مه‌ده‌نی ده‌ده‌ن. ئه‌گه‌رنا منداڵێكی ئێزیدی و رۆژنامه‌وانێك ده‌بێ له‌شه‌نگال چ تاوانێكیان هه‌بێ له‌ ده‌ره‌وه‌ی ئه‌وه‌ی كورده‌ و ئێزیدیه‌ و ده‌یه‌وێت به‌ سه‌ربه‌رزی بژی. ده‌بێ سه‌ركرده‌ و پێشه‌نگانی خۆبه‌ڕێوه‌به‌ری دیموكراتیانه‌ی رۆژئاوا ” شه‌هید فه‌رهاد شبلی و هه‌ڤاڵانی” چ تاوانێكیان هه‌بێ كه‌ بۆ ئه‌ركی تایبه‌تی دێنه‌ باشوور و سه‌ردانی دۆست و ناسیاوه‌كانیان ده‌ده‌ن له‌ گه‌رمیان، ده‌بنه‌ ئامانجی هێرشی فڕۆكه‌ بێ فڕۆكه‌وانه‌كانی و له‌ سه‌دان كیلۆمه‌تر له‌ دووری به‌ره‌ی شه‌ڕ، ده‌كرێنه‌ ئامانج و شه‌هید ده‌بن؟

ده‌وڵه‌تی داگیركه‌ری تورك، ئه‌وه‌نده‌ زراو ره‌ژاو بووه،‌ به‌ده‌ستی شۆڕشی كوردستان و گه‌ریلا قاره‌مانه‌كانی. بۆیه‌ داروبه‌ردی ئه‌و وڵاته‌ی، لێ بووه‌ به‌ گه‌ریلا و به‌ په‌كه‌كه‌. هه‌ڵبه‌ت هه‌ر كوردێكی ئازا و دڵسۆز و وڵاتپارێز و نه‌ته‌وه‌یی و دیموكرات و خاوه‌ن پێوانه‌ و په‌ره‌نسیب، خۆی له‌خۆیدا گه‌ریلایه‌ و په‌كه‌كه‌ یه‌ و له‌ سه‌نگه‌ره‌ له‌ دژی داگیركه‌ر، جا له‌كوردستان بێ یان له‌ ده‌ره‌وه‌ی وڵات.

په‌لاماردانی شه‌هید فه‌رهاد دێرك وه‌ك سه‌ركرده‌یه‌كی شۆڕشی دیموكراتی و ئازادی رۆژئاوا، هه‌مانكات كه‌سێكی كه‌م ئه‌ندام له‌ تێكۆشانی ئازادی، له‌ خێزانێكی وڵاتپارێز و خاوه‌ن چه‌ندین شه‌هید و شۆڕشگێڕ، هه‌موو ژیانی خۆی به‌بێ به‌رامبه‌ر پێشكه‌شی وڵاته‌كه‌ی كردبوو. واتا هیچ رۆژێك به‌ قه‌د زه‌ڕه‌یه‌ك داواكاریه‌كی كه‌سی و خێزانی نه‌بووه‌، پێچه‌وانه‌ ئه‌وان به‌رده‌وام به‌ رۆح و گیان و سه‌رو ماڵیان پێشكه‌شی شۆڕشی كوردستانیان كردووه‌.

خه‌ڵكی رۆژئاوای كوردستان شانبه‌شانی خه‌ڵكی باشوور و باكوور سه‌ده‌یه‌كه‌ له‌به‌رامبه‌ر داگیركا‌ری له‌ باكوور و باشوور وه‌ستاوه‌ته‌وه‌.به‌تایبه‌تی خه‌ڵكی دێركا حه‌مكۆ و هه‌رێمی جزیره‌ی رۆژئاوا، له‌وه‌ته‌ی جوڵانه‌وه‌ی په‌ده‌كه‌ ده‌ستی پێكردووه،به‌هه‌موو شێوه‌یه‌ك یارمه‌تیان داوه‌و به‌ سه‌دان شه‌هیدیان له‌و پێناوه‌ به‌خشیوه‌‌. به‌ڵام به‌داخه‌وه‌ بێ نه‌مه‌ك و سپڵه‌كانی ئه‌مڕۆی په‌ده‌كه،‌ نه‌ك ته‌نها چاویان له‌و خزمه‌ته‌ نییه‌ كه‌ خه‌ڵكی شاره‌كه‌ی و خزم و كه‌س و خێزانه‌كه‌ی شه‌هید فه‌رهاد پێشكه‌ش به‌وانی كردبوو، پێچه‌وانه‌ ده‌زگا سیخوڕیه‌كانی په‌ده‌كه‌ هاوبه‌ش له‌گه‌ڵ میت شه‌و و رۆژی خۆیان خستۆته‌ سه‌ریه‌ك بۆ ئه‌وه‌ی راوی شۆڕشگێڕ و وڵاتپارێز و ئازادیخوازانی وه‌ك هه‌ڤاڵ فه‌رهاد و هاوڕێیانی بكه‌ن.

ده‌زگا سیخوڕیه‌كانی پاراستن و زانیاری “ئه‌ژی” هیچ په‌یوه‌ندیه‌كیان به‌ خزمه‌تكردنی خه‌ڵكی كوردستان نه‌ماوه‌، پێچه‌وانه‌ ماوه‌ی چوار ساڵه‌ بوونه‌ته‌ به‌شێك له‌و هێرشه‌ی كه‌ ده‌زگای سیخوڕی میت له‌به‌رامبه‌ر شۆڕشگێڕ و وڵاتپارێزانی كوردستان ده‌ستی پێكردووه‌. بۆیه‌ پێویسته‌ خه‌ڵكی كوردستان له‌گه‌ڵ ئه‌وه‌ی بۆ خۆیان شه‌رم بكه‌ن له‌و ده‌زگایانه‌ كاربكه‌ن، هه‌مانكات پێویسته‌ ئه‌وانه‌ی له‌و ده‌زگایانه‌ش كارده‌كه‌ن وه‌ك هاوبه‌شی ده‌زگای سیخوڕی میتی تورك ببینرێن و نابێ شوێنیان له‌ناو خه‌ڵك كوردستان دا ببێته‌وه‌. چونكه‌ دوژمن له‌ به‌ره‌ی جه‌نگدا تێكشكاوه‌ و هیچ ده‌رتانێكی نییه‌ له‌ ده‌ستی گه‌ریلا، ئه‌وه‌ی په‌نای بۆ ده‌بات ده‌زگا سیخوڕیه‌كانن. پێش ئه‌وه‌ی پرسیاری ئه‌وه‌بكه‌ین سكۆی هه‌ڵدانی فڕۆكه‌ دڕۆنه‌كان له‌كوێیه‌؟ده‌بێ پرسیاری ئه‌وه‌ بكه‌ین چۆن كه‌سه‌كانمان له‌و ده‌زگا سیخوڕیانه‌ دوور بخه‌ینه‌وه‌، هه‌تا كه‌سی ئێمه‌ له‌و ده‌زگا سیخوڕیانه‌ دابن، ئه‌وا ره‌گی دوژمن له‌ناو خۆدا نابڕدرێ، له‌پێناو بڕینی ره‌گی دوژمن له‌ناو خۆ، پێویسته‌ ره‌گی ئه‌و ده‌زگا سیخوڕیانه‌، میت پاراستن زانیاری ئه‌ژی، له‌ناو خۆمان بنبڕ بكه‌ین.

ده‌زگا راگه‌یاندنه‌كانی په‌ده‌كه‌ش وه‌ك به‌شێك له‌ ئه‌ڵقه‌ی ئه‌و ده‌زگا سیخوڕیانه‌ سیاسه‌تی په‌خش و بڵاوكردنه‌وه‌ ده‌كه‌ن، بۆیه‌ ئه‌وانیش بوونه‌ته‌ به‌شێك له‌ ده‌زگای شه‌ڕی تایبه‌ت و سیخوڕی كردن به‌سه‌ر كه‌سانی شۆڕشگێڕ و وڵاتپارێز، بۆیه‌ زۆر كه‌س پرسیار ده‌كات، كێن ئه‌و سیخوڕانه‌ی هه‌واڵ له‌ شۆڕشگێڕان و وڵاتپارێزان ده‌ده‌ن؟بێگومان ده‌بێ بزانین له‌گه‌ڵ ناپیاوه‌كانی ئه‌و ده‌زگا سیخوڕیانه‌، هه‌مانكات ده‌زگا راگه‌یاندنه‌كانی په‌ده‌كه‌ن، به‌بێ جیاوازیان.

له‌ په‌نجا ساڵه‌ی ته‌مه‌نی شۆڕشی ئازادی كوردستان به‌ رێبه‌رایه‌تی په‌كه‌كه‌ و رێبه‌ر ئاپۆ، شتێكیان سه‌لماندوو، هه‌تا هێرشه‌كان زۆربن، هه‌تا خوێنی زیاتر بڕژێ “كه‌ ئێمه‌ نامانه‌وێت له‌وه‌ زیاترت خوێن بڕژێت” ئه‌وا ئه‌و تێكۆشانه‌ هه‌ر به‌هێزتر ده‌بێت. وه‌ك ئه‌و وته‌یه‌یی ده‌ڵێت، په‌كه‌كه‌ وه‌ك پۆڵایه‌ تا خوێنی زیاتر به‌به‌خشێت به‌هێزتر ده‌بێت. ده‌بێ ترسمان له‌ قوربانیه‌كانمان نه‌بێ، ترسنۆكی دوژمنیش به‌ قاره‌مانیه‌تی نه‌بینین، ئه‌وه‌ی پێویسته‌ له‌ شه‌هیدبوونی هه‌ر شۆڕشگێڕیك و گه‌ریلایه‌ك لێی تێبگه‌ین، ئه‌ویش چۆن زیاتر په‌یوه‌ست ببین به‌ رێبازی شه‌هیدان و چۆن زیاتر خزمه‌ت به‌ پێوان و پره‌نسپه‌كانیان بكه‌ین و چۆن ده‌بینه‌ یه‌ك لاشه‌، له‌لایه‌ك بۆ ئه‌وه‌ی هێرش و په‌لاماره‌كانی دوژمن تێكبشكێنین، له‌لایه‌كیتریش پێگه‌ و هه‌بوونی ده‌زگا سیخوڕ و هاوبه‌شه‌كانیان بێ كاریگه‌ر بكه‌ین.

هەروەها چێکی بکە

میدیا .. ڕای گشتی و پێگەی کۆمەڵایەتی

  ئەرسەلان بورنا  کۆتایییەکانی شەڕی دووهەمی جیهانی لە ئاکامی گۆڕانکارییەکان پێگەیەکی تایبەت و گرینگایەتییەکی زۆرتر …

وەڵامێک بنووسە

پۆستی ئەلکترۆنیکەت بڵاو ناکرێتەوە .