نەبەز گۆران: سەرنج

خۆی تێزێكی هەیە دەڵێت: مرۆڤ ئەتۆمەكەیە

بڕوای وایە: چەك و تەقەمەنی و تەكنۆلۆژیا، بەرهەمی مرۆڤ خۆین، هەرچەندە بەهێزبن، هێزەكەیان ناگات بە هێزی مرۆڤ، كەوایە: مرۆڤەكە لەهەموو ئەو چەك و تەقەمەنیانە بەهێزترە، كە خۆی بەرهەمی هێناون.

لەسەر بنەمای ئەم تێزە، ئەو مرۆڤەی دروستكردوە، ناوی _گەریلا، شەڕڤان_ هەردوو ناوەكە، ئاماژەن بۆ مرۆڤێكی نوێ‌، مرۆڤێك كە خۆی ئەتۆمەكەیە و، دەتوانێت بەسەر كۆی ئەو هێزانەدا سەركەوێت، ڕووبەڕووی دەبنەوە. لەوانەیە قسەكردن لەسەر سەركەوتنی: گەریلا، شەڕڤان، قسەیەكی نوێ‌ نەبێت، چونكە پەروەردەی ئەم تایپە نوێیەی مرۆڤ، ڕاستەوخۆ بەستراوە بە سەركەوتنەوە، هەرجارێك سوپای _تورك_ هەوڵبدات ئەم كارەكتەرە تێكبشێنێت، هەوڵەكەی جۆرێكە لە تێنەگەیشتن لەم مرۆڤە.

ئەم مرۆڤە خۆی بووە بە ئەتۆمەكە، لەسەرزەمینی خۆیدا، تەنها دەتوانی وەك خۆی قبوڵی بكەیت، ناتوانیت شكستی پێبهێنیت. زیاد لە چل ساڵە بەردەوام لەم مرۆڤە دەدرێت، دوای هەموو لێدانێك بەهێزتردەبێت.

چاوەڕوانكراوە هەمووجارێك سەربكەوێت، بەتایبەت بۆ ئەوانەی، بەباشی پڕۆژە فیكرییەكە دەناسن، چونكە دەزانن لەپشت ئەم مرۆڤەوە، چ ئایدیا و فیكرێك هەیە، كە ڕەگوڕیشەكانی چوونەتە ناو مێژووی میزۆپۆتامیا و، مرڤێك لەناو پڕۆژەكەوە دێتە دەر، زمان پاك، زیهن پاك، خاوەن ئیرادە، هەڵگری پڕۆژەیەكی درێژخایەن، بۆ گەلی ژێردەستە.