ئەنفالی ئەمساڵ چیمان پێ دەڵێت؟

کاتێک باس دێتە سەر ڕۆژە کارەساتبارەکان، وەک یادێک بۆنەیەکی بۆ ڕێکدەخرێت و بەپەلە چەند وەزیرو گوزیرێک دێن و کۆمەڵێک قسەی هەلەق و مەلەق دەکەن و بە حیمایەکانیان دەیانپارێزن و سوار سەیارە دەرعو گرانبەهاکانیان دەکەون و هەڵدێن و ئەو خەڵکە لەو بەر خۆر و ناڕاحەتی ئازارەدا بەجێدەهێڵن!.

خۆیان بۆ کوێ دەچن؟ بۆ باخ و ڤێللاو شوێنی کارو بازرگانی و شەوانی سورو بەشداری لەپیلانگێڕی دوژمنان بۆهێرش بۆسەر شۆڕشگێڕانی کوردو سیخوڕی بۆکردنیان و بەکوشتدانی شەڕوانان و بازرگانی خوێن و نەوت و ئێستە بەتازەگی بەبۆنەی شەڕەکانی ئۆکرانیاوە غازیشی هاتوەتە سەر. ئەمە لەساڵانی پێشودا بەو شێوەیە دەچوەسەرو ماڵ منداڵ و ڕۆڵەکانیان لەنازو نیعمەتی ئەو بازرگانیانەیان حەسابونەوە. ئەی ئێستەو ئەمساڵ چی؟

وەک خۆیان گوتیانە بەنرخی شەڵاڵی خوێن ئەو دۆخە پڕ سودە بۆخۆیان و هەژاریە بۆخەڵک ڕادەگرن. بەڵام یادی ئەنفالەکانی ئەمساڵ پێی وتن. گەل بەتینی گەیشتوەو قبوڵناکرێت. وێنەکانی لە گۆڕەپانەکانی ئەنفالەوە لەچەمچەماڵ و گەرمیانەوە پێمان دەڵێت: ئەم بەناوحکومەتە! ئەم دەسەڵاتە بکوژو هەژارکەرە، توانای ژیانی نەماوەو لێی قبوڵ ناکەین. نەهێزی تۆکمەی چەکدارو ڕەش، نەبکوژی نادیارو ئاشکرا، نەزیندان و هەژاری ، نەوەزیری درۆزن و بێ بڕیار ناتوانێت بمانخەڵەتێنێت و ڕامانگرێت.

ئەمە ئەو دۆخەیە کە تێکۆشانی ڕێکخراو، بیرکردنەوەی بەئەرزش بۆ چۆنیەتی ڕزگاری بەدەست دێنێت. بۆیە پێویستە ئەم دەسەڵاتدارانە لەکۆتا ساتەکانی ژیانیاندا وانە لەدیکتاتۆرەکان وەرنەگرن! وانە لە زین العابدینی تونسی وەرگرن و هەڵێن!. با بۆیەکجاریش بێت ئەو ناوەجوانەی کۆتایی لەخۆیان بنێن و واز لەگەل بێنن چۆن بڕیار دەدات. چونکە گەل ئەمجارە بڕیاری ئازادی سەرکەوتنی داوە.