تەڤگەری ئازادیی لەگەڵ هاوشارییەکانی هەڵەبجەدا یادی کیمیابارانی شارەکەیان کردەوە

بە بۆنەی ساڵیادی کیمیابارانی هەڵەبجەوە شاندێکی تەڤگەری ئازادیی، لەگەڵ خەڵکی شارەکەدا بەشداری یادەکەیان کرد و چونە سەر مەزاری شەهیدانی شارەکە.

ئەمڕۆ پێنج شەممە ٢٠٢٣/٣/١٦ لە ٣٥ هەمین ساڵیادی کیمیابارانی شاری هەڵەبجە دا، شاندیکی تەڤگەری ئازادیی کۆمەڵگەی کوردستان بە سەرۆکایەتی تارا حسێن، هاوسەرۆکی تەڤگەر بەشداریان لەویادەدا کرد و لەگەڵ خەڵکی شارەکە و کەسوکاری شەهیدان  سەردانی مۆنۆمێنتی شەهیدان و مەزاری شەهیدانیانی شارەکەیان کرد.

تارا حسێن، هاوسەرۆکی تەڤگەر ئازادیی سەرەخۆشی لە کەسوکاری شەهیدان کرد و  رایگەیاند، ئێمە کۆمەڵکوژیی هەڵەبجە کە یەک لە گەورەترین کۆمەڵکوژییەکانی مێژووی مرۆڤایەتییە، جارێکیتر شەرمەزار دەکەین و ئەو کەسانەی لە کۆمەڵکوژییەکەدا ژیانیان لەدەستداوە بە ڕێز و پێزانینەوە بەبیردەهنینەوە، ئەوانەی لە کۆمەڵکوژی هەڵەبجەدا ژیانیان لەدەستداوە شەهیدانی کوردستان و گەلی کوردن.

هەروەها شاندەکەی تەڤگەری ئازادیی هیوای خواست، خزمەتی زیاتری کەسوکاری شەهیدان و شارەکە بکرێت و چیتر خەڵکی ئەو شارە لەوە زیاتر لە دۆخێکی سەختدا نەژین.

 

هەروەها چێکی بکە

هاوسەرۆکانی گشتیی تەڤگەری ئازادیی و دەیان هەڤاڵ دەستگیرکران

کەمێک پێش لەلایەن هێزە ئەمنییەکانی شاری سلێمانییەوە، هاوسەرۆکانی گشتیی تەڤگەری ئازادیی و دەیان هەڤاڵ دەستگیرکران. …

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *