پارە پەیداکردن لە ناو پەرلەمانی عێراقدا …!

نیاز سەعید

دیاردەیەکی تری سەیر و سەمەرەی سیاسی؛ ئەمجارەیان لەناو پەرلەمانی عێراق، ئەویش بوونی  دوو جۆر بزنسی سیاسی موفت و چەور  بۆ هەندێ بزنسمانی بە ئەزموون (!!)

کە بەهاکەی دەیان ملیۆنان دۆلارە، یەکەمیان لە دەستپێکی دانیشتنە  بەراییەکانی پەرلەمانی تازە هەڵبژێردراودایە و بریتیە لە  فرۆشتنی دەنگ لە کاتی دەنگدانەکان بۆ هەڵبژاردنی سەرۆکی پەرلەمان و سەرۆک کۆمار و  سەرۆکی حکومەت و  وەزیرەکان ، دووەمیشیان بۆ کاتی خەفەکردن و دیزەبەدەرخۆنەکردنی دۆسیەکانی گەندەڵی وەزیر و لێپرسراوە باڵاکانی حکومەت و سپیکردنەوەی دۆسیە ڕەشەکان(!!)؛ لەلایەن لیژنەکانی پەرلەمان و فراکسیۆنە پەرلەمانیەکانەوە.

شایەنی باسە بوونی ناکۆکی و ململانێ و فرە کاندید بۆ پۆستەکان؛ بازاڕەکەی گەرمتر کردوە و  لە بازاڕی بۆرسەی پەرلەماندا،  نرخی پشکی دەنگەکان بەرزبوونەتەوە، دەنگدەری فریودراویش با هەر  بەکوێرانە و لە ڕقی پارتە سیاسیەکانی تر؛ بۆ خۆی دەنگ بە پاڵێوراوی ناشایستە و بێ ئەزموون و سەردەرنەکردە؛  لە ئەرک و کاروباری پەرلەمانیی بدات، گوایە ویژدانی خۆی ئاسوودە کردوە، نازانێت بە دەنگەکەی نرخی پشکی دەنگی هەندێک پەرلەمانتاری بەرزکردۆتەوە ، بەتایبەتی بۆ ئەو جۆرە فراکسیۆنانەی کە ئیبراهیم زەبۆکەکەی عەزیز نەسین خاوەنیەتی !

هەروەها چێکی بکە

ژنێکی عەدالەتخواز

کەمال چۆمانی ژنێکی عەدالەتخواز توڕەیییەکانی خۆی دژ بە مەسرور بارزانی لە بەرنامەیەکی راستەوخۆی لە رووداوی …

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *