ڕۆژی کۆبانی بەرزڕاگیرا

ئێوارەی ئەمڕۆ دووشەممە ١/١١/٢٠٢١لە شاری سلێمانی و لە سەکۆی ئازادیی، نوێنەرایەتیی بەڕێوەبەریی خۆسەری باکوور و ڕۆژهەڵاتی سووریا لە هەرێمی کوردستان، بەبۆنەی ١ی ١١ی ڕۆژی جیهانیی کۆبانێ، مەراسیمێکی جەماوەرییان ڕێکخست.

بەبەشداری و ئامادەبوونی نوێنەری پارت و لایەنە سیاسییەکان، ڕێکخراوەکان و پێکهاتە و کەسایەتییە جیاجیاکان، مەڕاسیمەکە بەڕێوەچو.
لەسەرەتای مەڕاسیمەکەدا بەیاننامەی نوێنەرایەتیی بەڕێوەبەریی خۆسەری باکوور و ڕۆژهەڵاتی سووریا لە هەرێمی کوردستان لەلایەن جەمیل ڕەحمانۆ، ئەندامی نوێنەرایەتییەکە خوێندرایەوە و ئاماژەی بەوەکرد: دەوڵەتی تورک بە سەرپەرشتیی ئاکەپە و مەهەپە لەدوای ئەوەی نەگەیشتنە ئامانجەکانیان، هەتا ئەمڕۆش بەردەوامن لە هێرشکردن بۆ کۆبانێ، بە فڕۆکەی بێ فڕۆکەوان هێرش دەکەنە سەر کۆبانێ و وڵاتپارێزان دەکەنە ئامانج

پاشان دحام ئیبراهیم قادر، فەرماندەی پێشمەرگە کەخۆی یەکێک بووە لە بەشداربوانی شەڕی کۆبانێ، وتارێکی پێشکەشکرد ڕایگەیاند: کۆبانێ بووە سیمبولی بەرخۆدانی کوردستان، ئێمەش وەک پێشمەرگە بە شانازییەوە بەشدارییمان لە بەرخۆدانی کۆبانێ کرد و بەشێک بووین لە ئازادکردنی کۆبانێ لەدەستی چەتەکانی داعش.

هەر لە مەراسیمەکەدا حەسەن ڕەحمان پەنا، ئەندامی دەفتەری سیاسیی ڕێکخراوی کوردستانی حزبی کۆمۆنیستی ئێران (کۆمەڵە) وتارێکی پێشکەشکرد کرد و ئەوەی باسکرد: ئەگەر بەرخۆدانی کۆبانێ نەبوایە، ئەمڕۆ داعش لەناو سلێمانیش بوو، بۆیە دەبێت هەمووان خاوەنداریی لە کۆبانێ بکەین، دژی دەوڵەتە داگیرکەرەکانی کوردستان بووەستینەوە.

 

 

 

 

 

هەروەها چێکی بکە

لە ڕانیە دژی هێرشەکانی تورکیا گردبوونەوەیەک بەڕێوەچوو

ئەو هاوڵاتیەی لە بۆردومانی فڕۆکە بێ فڕۆکەوانەکانی دەوڵەتی تورک ئۆتۆمبێلەکەیان کرایە ئامانج لە ڕونکردنەوەیەکدا بە …

وەڵامێک بنووسە

پۆستی ئەلکترۆنیکەت بڵاو ناکرێتەوە .