ته‌ڤگه‌ر کۆمه‌ڵگه‌یه‌کی ئازاد و دیموکرات و ژینگه پاریز
بابەتی پەیوەندیدار
ئەمڕۆ بۆ یەکەمیین جار ناوەندی”ئەرشیف وتوێژینەوە و کتێبخانەی ژنی کورد” لە هەرێمی کوردستان لە شاری سلێمانیی کرایەوە، ناوەندەکە هەزاران کتێب و سەرچاوەی نووسەرانی ژن لەخۆ ئەگرێت.
تارا حسێن هاوسەرۆکی تەڤگەری ئازادیی کۆمەڵگەی کوردستان و ژنانی تەڤگەری ئازادیی و ژمارەیەکی بەرچاو لە ژنان لە شاری سلێمانی، ئامادەی کردنەوەی ناوەندی “ئەرشیف و توێژینەوە و کتێبخانەی ژنی کورد” بوون، ناوەندەکە پڕۆژەی هاوبەشی نێوان ئەکادیمیای ژنۆلۆژیی و یەکێتیی ژنانی کوردستانە، بۆ ئەرشیفکردنی نووسیین وهەر کەرەستەیەکی مێژوویی و هەنووکەیی ژنانی کورد، کە لە ئێستادا زیاتر لە ١٨٠٠ سەرچاوە و کتێبی نووسەرانی ژنی تێدایە لە سەرجەم بوارە جیاوازەکاندا.
لە مەراسیمی کردنەوەی ناوەندەکەدا چەندین نووسەر و چالاکوان و پارێزەری مافەکانی ژنان و چەندان کەسایەتیی دیکەی هەر چوار بەشی کوردستان و وڵاتانی دیکە ئامادەییان هەبوو، بەشێک لەو ئامادەبووانە پەیامی پیرۆزبایی خۆیان ئاراستەکرد، چەند کتێب و نیگار و کارێکی دەستییان پێشکەش بە ناوەندەکە کرد و بە پڕۆژەیەکی زۆر گرنگ و خزمەتێكی گەورە بە ژنانی کورد، ناویان برد.
ئەم ناوەندە پڕۆژەیەکی هاوبەشی نێوان ئەکادیمیای ژنۆلۆژی و یەکێتیی ژنانی کوردستانە، کە نزیکەی سێ ساڵ بوو کار بۆ کردنەوەی دەکرا، دوای تەواوبوونی ئامادەکارییەکانی ئەمڕۆ بەتەواوی کرایەوە و لە ئێستاوە خوێنەران ئەتوانن سەردانی بکەن.
