دەیان کەس بەشداری پرسەی شەهید شوکریانکرد

 

لەشاری سلێمانی پرسەی شەهید شوکری سەر حەد بەڕێوە چوو بە ئامادەبوونی دەیان کەس لە جین توێژەکانی شاری سلێمانی و ناوچەکانی تر.

دەیان کەس بەشداری پرسەی  شەهید شوکریان کرد، یاسین  بولوت  ناسراو بە شوکری سەرحەد لە ساڵی ١٩٥٧ لە شاری قەرسی باکووری کوردستان لەدایک بووە، ساڵی ١٩٧٨ پەکەکەی ناسیوە و لە کاتی کۆدەتاکەی ١٢ی ئەیلولی ١٩٨٠ـدا لە تورکیا دەستگیرکراوە و لە زیندانی ئامەد زیندانی کراوە، یاسین بولوت لەوێ لەگەڵ کادێران و پێشەنگانی پەکەکە، لەدژی کردەوە دڕندانەکانی دەوڵەتی فاشیستی تورک بەرخۆدانێکی مێژوویی نیشاندەدات و سەر  ناچەمێنێت، ساڵێ ١٩٩١ ئازاد دەکرێت و ڕوو لە چیا ئازادەکانی کوردستان دەکات، ماوەی ١٥ ساڵیشە وەک ئەندامی کۆمیتەی شەهیدانی پەکەکە لە باشووری کوردستان کاری کردووە.

 

هاوسەرۆکی یەکێتی نیشتیمانی کوردستان بەشداریی لە پرسەی شەهید شوکری سەرحەد-دا کرد و بەتوندیی ئیدانەی تاوانی تیرۆرکردنی شوکری سەرحەدی کرد.

لەمیانی بەشدارییکردنی لە پرسەکەدا، لاهور شێخ جەنگی بە میدیاکانی ڕاگەیاند:”ئەمەی ڕوویدا کارەساتێکی دڵتەزێن بوو، زۆر ناخۆش بوو، بە توندیی ئیدانەی دەکەین”.

لاهور شێخ جەنگی، وتیشی: سلێمانی لانەی ئارامیی و پەناگە بووە بۆ هەر چوار پارچەی کوردستان، داوادەکەم دەزگا ئەمنییەکان ئەو کەسانە بدۆزنەوە کە بەو کارە هەستاون و هیوادارین بە زوووترین کات لەو بارەیەوە ڕوونکردنەوە.

 

هەر لە پرسەکەدا، تێكۆشەری دێرینی باشووری كوردستان، مام ڕۆستەم، لەكاتی دانانی تاجە گوڵینە لە شوێنی شەهیدكردنی هەڤاڵ شوكری سەرحەوت وتی’ئەم وڵاتە میت و ئیتڵاعات بەڕێوەی دەبات و حكومەت بەڕێوەی نابات’، جەختیشی، لە ڕێكخستنی نێوماڵ كوردیی كردەوە.

هەڤاڵان و بەشداربوانی پرسەی شەهید شوكری سەرحەد، بەدەم وتنەوەی دروشی”شەهید نامرێت” و “بمرێ خیانەت”ەوە، تاجەگوڵینەی ڕێز و وەفایان، لە شوێنی شەهیدبوونی دانا.

لەساتی دانانی تاجەگوڵینە لە شوێنی شەهیدبوونی هەڤاڵ شوكری سەرحەد، مام ڕۆستەم، تێكۆشەری دێرینی باشووڕی كوردستان لە وتارێكدا قسەیەكی پێشووی ئەردۆغانی بەبیرهێنایەوە كە وتویەتی:”لە ئەفریقای باشوور ناوی دەوڵەتی كوردیی بێت من دژیم”، وتی: بەڵام بەداخەوە گورد لەوە تێناگات، بۆیە دەبێت ئێمە خۆمان نێوماڵی خۆمان ڕێكبخەینەوە، چیتر ڕێگەنەدەین دووژمنان خەڵكە  تێكۆشەرەكانمان شەهید بكات.

مام ڕۆستەم باسی لەوەشکرد: ئەم وڵاتە بووە بە پاشا گەردانیی و دەبێت هەموو حزبەكان ئاگایان لە خۆیان بێت، حاكم و دەوڵەت و حكومەتی تێدا نییە، حكومەت خەرێكی نەوت فرۆشتن و كاسپییە، بۆیە دەبێت هەموو كەسێك ئاگای لەخۆی بێت و بە تەمامەبن حكومەت تاوانباران دەستگیربكات، دەبێت خۆمان خۆمان بپارێزین.

ڕاشیگەیاند: دیارە ئێرە ئیتڵاعات و میت بەڕێوەی دەبات و حكومەت بەڕێوەی نابات، ڕاستە شتێك هەیە بەناوی حكومەت، بەڵام ناوەڕۆكی نییە.

لەكۆتاییدا، هیوای خواست چیتر كەسی وامان شەهید نەبێت و سڵاوی بۆ گیانی پاكی شەهید شوكری نارد.

شوکری سەرحەد، ئەندامی کۆمیتەی خانەوادەی شەهیدانی پەکەکە لە باشووری کوردستان، لە١٧/٩/٢٠٢١ لە گەڕەکی چوارچرای شاری سلێمانی، تیرۆر کرا.

 

هەر لە شوێنی شەهیدکردنی یاسین بولوت(شوکری سەرحەد) چەندین وتارو وتەی تر پێشکەشکران.

 

 

 

 

 

 

هەروەها چێکی بکە

بۆ ڕا‎ی گشتی و سەرجەم هێز و لایەنە سیاسییەکانی هەرێمی کوردستان و عێراق

‎هەموو لایەک ئاگادارن ناوچەکەمان بە دۆخێکی ئاڵۆز و سەختدا تێ دەپەڕێت هۆکاری سەرەکیش سیاسەتی نا …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *