ته‌ڤگه‌ر کۆمه‌ڵگه‌یه‌کی ئازاد و دیموکرات و ژینگه پاریز
بابەتی پەیوەندیدار
گروپێک لە ژنانی « رژاک » کە رێکخراوێکی کۆمەلگەی مەدەنین و کار بۆ ئازادی و ووشیارکردنەوەی ژن دەکات، لە باشوری کوردستان دوای بەشدار بوونیان لەو یادە پر ئازارە و ولە کاتی گەرانەوەیان لە بازگەی پ د ک دەستبەسەر دەکرێن و لە ئاسایشی ھەولێرن و تا ئەم کاتەش ئازاد نەکراون.
ڕووناک مەجید ئەندامی تەڤگەری ئازادیی کۆمەڵگەی کوردستان سەبارەت بە ستگیرکرنی سێ ئەندامەکەی ڕێکخراوی ژنانی ئازادیی کوردستان-ڕژاک بە ماڵپەری تەڤگەری ئازادیی ڕاگەیاند: سیستەمی حکومەتی باشوری کوردستان سیستەمێکی بنەمالەیی و دیکتاتۆر و خۆسەپێنن، گەلی باشووری کوردستان دەیان سال خەباتی کرد و بە سەدان ھەزار شەھیدی لە پێناو ئازادیدا و خاک ونیشتمان بەخشیوە کە بەرھەمەکەی راپەرین و دروست بوونی حکومەتی ھەرێمی کورددستانە ، بەلام لە سایەی ئەم دەسەلاتە ملھورە ژیانی لە گەلەکەمان تال کردووە لە ھەموو روویەکی ژیانەوە ، بەوەوە نەوەستاوە دەنگە ئازادەکان زیندانی دەکات و تیرۆر دەکات .
ئاماژەی بەوەشکرد: لە ٢٠١٤/٨/٣ کاتێک پ د ک شەنگال چۆل دەکەن و خەلکەکەی بە جێ دەھێلن بۆ گەورەترین گروپی تیرۆرستی لە جیھان داعش کە روبەروی کۆمەلکوژیان دەکەنەوە و بە ھەزارەھا ژنی کورد لە بازارەکاندا کرین و فرۆشتنیان پێ دەکرێت ، لە ٧ ھەمین سالیادی کارەساتی شەنگال گروپێک لە ژنانی « رژاک » کە رێکخراوێکی کۆمەلگەی مەدەنین و کار بۆ ئازادی و ووشیارکردنەوەی ژن دەکات لە باشوری کوردستان دوای بەشدار بوونیان لەو یادە پر ئازارە و ولە کاتی گەرانەوەیان لە بازگەی پ د ک دەستبەسەر دەکرێن و لە ئاسایشی ھەولێرن و تا ئەم کاتەش ئازاد نەکراون کە خاوەنی مندالی تەمەن دوو سالەن.
ئەو ئەندامەی تەڤگەری ئازادیی وتیشی: دەپرسم لە سەرانی پ د ک چەندێکی تر ئازادی دەخنکێنن و چی دیکە ماوە بەسەر ئەم میللەتەدا بیھێنن خیانەتکردن ، کۆمەلکوژی ، زیندانی کردن ، بێ سەروشوێن کردن تەرحیل کردن ، تیرۆر کردن ، برینی قوتی خەلکی ، بە پارتی کردن ، ئەمانەش ھەمووی پیشەی حزبی بەعس و ( صدام حسين ) ی دیکتاتۆر بوو بۆیە ئێوەش ھەمان چارەنوس چاوەرێتان دەکات .
