ته‌ڤگه‌ر کۆمه‌ڵگه‌یه‌کی ئازاد و دیموکرات و ژینگه پاریز
بابەتی پەیوەندیدار
لیژنەی مافەکانی مرۆڤ لە پا‌رلمانى عێراق رایگەیاند، زەوییە کشتوکاڵییەکانی عێراق کەمدەبێتەوە و بەبیابانبوونیش بەشێوەیەکی ترسناک زیاد دەکات، ئەمەیش هەڕەشەیەکی گەورە لەسەر ئاییندەی کشتوکاڵ و ئاسایش خۆراکی عێراق دەکات.
لیژنەی مافەکانی مرۆڤ لە پا‌رلمانى عێراق بەیاننامەیەکی بڵاوکردەوە تیایدا هاتووە، کاریگەرییەکانی گۆڕانکارییەکانی کەشوهەوا لەسەر ژینگە و ئاوی عێراق بەشێوەیەکی خێرا دەستیپێکردوە.
لیژنەکە جەختی لەوەکردوەتەوە، پارێزگای زیقار زۆرتریین دیاردەی بەبیابانبوونی لەزەوییە کشتوکاڵییەکانیدا دروست بووە، بەشێوەیەک وشکەساڵیی رووبەرێکی بەرفراوانی زۆنگاوەکانی وشک کردوە و لەناوبردوە.
بەشێکی بەبیابانبوونی زەوییەکانی عێراق، دەگەڕێتەوە بۆ ئەو سیاسەتەی تورکیا بەرامبەر بە ئاوی عێراق گرتووەیەتییەبەر و بەشێکی زۆری سەرچاوەکانی ئاوی عێراق لە لایەن دەوڵەتی تورکیاوە گیروانەتەوە و وشک کراون.
