ته‌ڤگه‌ر کۆمه‌ڵگه‌یه‌کی ئازاد و دیموکرات و ژینگه پاریز
بابەتی پەیوەندیدار
سارا ڕەزا رایدەگەیەنێت، لە باشووری کوردستان بەهۆی نامووسگەراییەوە ژنان قوربانیی دەدەن، رەخنەشی لە خەباتی ژنان گرت و وتی، ژنان لە باشووری کوردستاندا خەباتی خۆیان لە ژێر سێبەری پیاواندا ئەنجام دەدەن.
سارا ڕەزا – ئەندامی دەستەی بەڕێوەبەرایەتیی تەڤگەری ئازادیی کۆمەڵگەی کوردستان هەڵسەنگاندنی بۆ دۆخی ژنان لە باشووری کوردستان کرد و ووتی؛ پیلانەکان لە باشووری کوردستاندا لە دژی ژنان و دانانی بەربەست لە بەردەم ژناندا چڕ بووەتەوە. ژنانی باشووری کوردستان و دەکوژرێن و پیاوان دەژین، بەهۆی نامووسگەراییەوە ژنانی باشووری کوردستان قوربانیی دەدەن و پیاوان دەیانەوێت ژیان بە یەکڕەنگی ببیندرێت، ئێمەی ژنان بە ئیرادە و توانای خۆمان ڕوبەڕووی ئەم داگیرکارییە دەبینەوە.
سارا ڕەزا باسی لەوەشکرد، مۆدێرنیتەی سەرمایەداریی لە هێزی ژنان و فیکری ژنان دەترسێت، چونکە لەگەڵ ئازادبوونی ژنان کۆمەڵگە ئازاد دەبێت، بەڵام بەداخەوە کۆیلەبوونی ژنان لە کۆمەڵگەدا پیاوانی هانداوە باڵادەست ببن، هەروەها سیستمی سەرمایەداریی مەبەستی قۆرغکردنی ژنان و زاڵکردنی ئەقڵیەتی پیاوسالاریی و بە کاڵا کردنی ژنانە..
ئاماژەی بەوەشدا، ژنان لە باشووری کوردستاندا خەبات و ڕێکخستنی خۆیان لە ژێر سێبەری پیاواندا ئەنجام دەدەن، ئەم شێوازە خەبات کردنە دەبێتە هۆی مردنی ژنان و کەوتنە ژێر ڕکێفی پیاوانەوە، وتیشی: ساڵ بە ساڵ ئاماری توندوتیژیەکانی دژ بە ژنان زیاد دەکات، پیاوان شەرەفی خۆیان لە چوارچێوەی ژنێکدا دەبیننەوە، بەداخەوە بێ گائا لەوەی خەتابار کێیە هەڵدەستن بە کوشتنی ژنێک.
