ته‌ڤگه‌ر کۆمه‌ڵگه‌یه‌کی ئازاد و دیموکرات و ژینگه پاریز
بابەتی پەیوەندیدار
ژینا ئەمینی، ئەو کچە کوردەی ساڵی رابردوو لەلایەن پۆلیسی ئەخلاقی تارانەوە بە ئەشکەنجە کوژرا و هەروەها جوڵانەوەی ‘ژن، ژیان، ئازادیی’ بۆ وەرگرتنی خەڵاتی ساخارۆڤ کاندید کران، کە بەرزترین خەڵاتی یەکێتیی ئەوروپایە لە بواری مافەکانی مرۆڤدا.
پەرلەمانی ئەوروپا، پارتی گەلی راستگری ئەوروپا، سۆسیال دیموکراتەکان و فراکسیۆنی ئەوروپای نوێ، رایانگەیاند کە ژینا ئەمینی و شۆڕشی “ژن، ژیان، ئازادیی” لە پێناو داکۆکی لە ئازادیی رادەربڕین وەک کاندیدی وەرگرتنی خەڵاتی ساخارۆف پێشنیاز کراون.
براوەی خەڵاتی ساخارۆڤ لە مانگی تشرینی یەکەمدا رادەگەیەندرێت و بە مەراسیمێک لە کۆبوونەوەی کۆمەڵەی گشتیی پەرلەمانی ئەوروپا لە مانگی کانوونی دووەمدا لە ستراسبورگ خەڵاتەکەی پێدەبەخشرێت.
بۆ وەرگرتنی خەڵاتەکەی ئەمساڵ چەندین کەسایەتیی و جوڵانەوەی داکۆکیکار لە مافەکانی مرۆڤ و مافی ژنان و ئازادیی رادەربڕین کاندید کراون.
