ته‌ڤگه‌ر کۆمه‌ڵگه‌یه‌کی ئازاد و دیموکرات و ژینگه پاریز
بابەتی پەیوەندیدار
دژی هێرشەکانی درۆنی دەوڵەتی داگیرکەری تورک، کە هاووڵاتییانی مەدەنیی لە ناو شارەکانی هەرێمی کوردستان ئەکەن ئامانج و شەهیدیان ئەکەن گربوونەوەیەک لە شاری سلێمانیی بەڕێووەچوو.
ئەمڕۆ پێنج شەممە لە شاری سلێمانیی کۆمەڵێک لە هاووڵاتییان گردبوونەوە و هێرشەکانی تورکیان لە شارەکانی هەرێمی کوردستان بۆ سەر هاووڵاتییانی مەدەنیی شەرمەزا کرد، جومعە کەریم لە گردبوونەوەکەدا وتەیەکی پێشکەش کرد و رایگەیاند، لە ئەنجامی هێرشی فڕۆکەی دەوڵەتی داگیرکەری تورک دا، دوێنێ هاووڵاتییەکی مەدەنیی لەو هێرشە تیرۆرستییەی دەوڵەتی تورک بۆسەر هاووڵاتییانی باشووری کوردستان ئەنجامیان داوە هاووڵاتییەک شەهید بوو. فڕۆکە جەنگییەکانی تورکیا و درۆنەکانی ئەو دەوڵەتە داگیرکارە باشوری کوردستان بۆردومان ئەکەن و ئەوە پێشلکردنی ئاسمان و زەمینی عێراقە لە لایەن دەوڵەتی داگیرکەری تورکیاوە.
داوایشی لە حکومەتی هەرێمی کوردستان کرد، سەروەریی خاک و ئاسمانی هەرێمی کوردستان لە پێشلکارییەکانی دەوڵەتی تورک بپارێزن، ئەوەی دەوڵەتی تورک ئەیاکات پێشلکردنی سەروەریی زەمین و ئاسمانی عێراقە.
ئاماژەی شی بۆ ئەوە کرد، دیاردەی کوشتنی ژنان و هاووڵاتییان لە هەرێمی کوردستان زیادی کردوە، هاووڵاتییان لە سەر و ماڵی خۆیان دڵنیانین.
