ڕۆژئاوای کوردستان و ستاتۆکەی….

نەورۆز محەمەد

 

لەدوای سەرهەڵدانی ناڕەزایەتییەکانی گەلانی سوریا لەو وڵاتە، بە کاریگەری چەوسانەوەو ستەمی دەسەڵاتی ئەسەد لە گەلانی سوریاو بەتایبەت گەلی کورد کە پێناسەی کوردبونی لێ سەندبونەوە گەیشتە ئەوەی گەل خۆی بەڕێکخستن بکات و هەوڵی ڕوخاندنی ئەسەد بدات و دەوڵەتێکی دیموکراسی پێکەوەیی بێنێتە بوون، ئەگەرچی هەرلایەنە و بە ئاراستە و ڕێبازو تێڕوانینی فیکری خۆی ئەیویست بەو ئەنجامە بگات، بەڵام ئەوەی گرنگە ئێستا باسێکی بکەم ئەوەیە، کورد توانی هێزی ڕەوای خۆی دروستبکات و لەو ڕێگایەوە خۆی بپارێزێت لەهەرچی هێرشی دڕندانەی دەسەڵاتی ئەسەد و ڕوسیا و ئێرانی هاوپەیمانی و خۆی بپارێزێت لە هێرشی ڕەوتە ئیسلامییە جۆراوجۆرەکان لە نێویاندا داعش کە بەڕاستیی سەرکەوتن بەسەریاندا شاکارێکە مێژووی مرۆڤایەتیی و کورد  ئەبێت شانازیی پێوەبکات. لەلایەکیترەوە ناسیونالیسته عەرەبەکان کە گرێدراوی دەوڵەتی تورکیا بون لەژێر ناوی سوپای ئازاد.

تائێرە ئاڵوگۆڕەکانی ڕێکخستنەوە و خۆدامەزراندنە کە لایەنێکی سیاسیی یان سەربازیی بتوانێت بەشێکی فراوان لە گەل لەگەڵ خۆی بهێنێت و بتوانێت هێزو ئیرادەو رۆح لەم گەلە وەرگرێت، بەڵام ئەوەی بۆ گەلی کورد زۆر گرنگتربوو سوود وەرگرتن لە فیکرو تێزە سیاسییەکانی بەڕێز  ئۆ*جا*لان  بوو کە توانی کۆمەڵگەیەکی هەرەوەزیی پێکەوەیی پێکبهێنێت، لە کورد و عەرەب و نەتەوەکان و ئایینە جیاوازەکان کە هەموان خاوەنداریی لە بەڕێوەبردن بکەن و مافەکانی تاک وگەل و نەتەوەو دیینە جیاوازەکان پارێزراوبێت، لە چوارچێوەی کۆمەڵگەیەکی دیموکرات و پێکەوەی نوێدا، جیاواز لە دید و بۆچونە کۆن و باوەکان. ئەمحاڵەتە بە کردار هاتە دروستبون و پەیڕوکردنێکی دیموکراتیانەی بەرپرسیارانە خوڵقا.

وەلێ ئەوەی گرنگە لێرە بیڵێم، ئایا دەوڵەتی تورکیا بەتەنها شەڕی  کورد لە ڕۆژئاوای کوردستان ئەکات، یان مەبەستی تورکیا داگیرکردنی بەشێکە لە خاکی سوریا و بەتایبەت باکورو ڕۆژهەڵاتی سوریا کە بەشێکە لە کوردستانی گەورە، نەخێر هەرگیز شەڕی تورکیا هەرئەوە نییە دژی کورد وەستابێتەوە، بەڵکو ئەوە بەشێکی شەڕەکەبووە، وەک ئەوەی مێژوو پێمان ئەڵێت جینۆسایدی زۆری کورد کراوە لەسەر دەستی دەوڵەتی عوسمانیی و دەوڵەتی تورکیای کۆماریی، کەواتە ئەم حاڵەتە پێمان ئەڵێت تورکیا بەتەنها نییە بۆ هێرشی سەر ڕۆژئاوا((بارۆس)) بەڵکو کۆی  ڕێبەرانی سیستەمی سەرمایەداریی، بەتایبەت ناتۆ و ئەمریکا، بەریتانیا، چین و ڕوسیا و زۆرێکیتر لەپشتی تورکیاوە هاوکارو پشتی دەوڵەتی تورکیان بون بۆ لە ناوبردنی ستاتۆی ڕۆژئاوای کوردستان. چونکە ستاتۆی ڕۆژئاوا مۆدێلێکی نوێی ڕووبەڕووی سیستەمی سەرمایەداریی جیهانییە لە دوای کەوتنی سۆڤیەتەوە کە بتوانێت  بە مۆدێرنیتەی دیموکراتی ڕووبەرووی  مۆدێرنیتەی سەرمایەداریی بۆستێتەوە کە هیوای بەخەڵکی زەحمەتکێش و ستەملێکراوی جیهانداوە، کە بە ئیرادەوە، بەکردار ڕێکخستنێکی کۆمەڵگە هاتۆتە بوون کە ڕۆڵی هەرتاکێک لەو ڕێوەبەریەدا هەیە، بەتایبەت ژنان وگەنجان کە بەردی بناغەی بونێکی ڕاستینەی کۆمەڵگەیەکی یەکسان و ئازادیخوازه. ئالێرەوە بالەوە بگەین ستاتۆی شەنگال لەهەرێمی کوردستان هەمان ترسە لەدڵی هێزە هەژمونی و دوڵەت-نەتەوەکان. چونکە تاکە ڕاستەقینەی شەڕی جەوهەرییە کە لەگەڵ مرۆڤایەتیی دەکرێت بۆ لە نێوبردنی نەیارانی سیستەمە ئابورییە بەهێزەکەی ئادەم سمیسو ئەوانەی دوای ئەو کە کۆی کۆمەڵگەی مرۆڤایەتیی گیرۆدە و بێچارە کردووە.

خاڵێکی گرنگ ئەبێت گەلەکەمان باش بزانێت، لاواز کردنی ستاتۆی هەرێمی کوردستا هەمان سیاسەتی هێزە ناوچەییەکانن، دژ بە نەتەوەکەمان و کۆی گەلانی ناوچەکە، کە ڕێگا بە هیچ لایەن و تاقمو نەتەوەو کۆمەڵیترنادەن داوای جیابونەوەو  ئازادیی وسەربەستیی بکەن لە عێراق و ئێران و  ڕۆژهەڵاتی ناویندا، چونکە هەربونێک لە دەرەوەی خواستی سیستەمی هەژمونی سەرمایەداریی هەبێت ئەگەری مەترسییە بۆ سەر داهاتوی ئابووریی و بەرژەوەندیی سیاسییان لە ناوچەکە .

گرنگتریین ئەوەیە سیاسەتی ئەمریکا لەم قۆناغەدا لە بارۆس گرێدراوی بەرژەوەندییەکانییەتی لە سوریا و ڕاگرتنی هەژمونی ڕوسیا و ئێرانە، بۆیە سیاسەتی کورد لە ڕۆژئاوای کوردستان زۆر وردوو تەکتیکییە لە چوار چێوەی هاوپەیمانییەکی نێودەوڵەتیی  دژ بە داعش.

هەروەها چێکی بکە

بەس نەبێ لۆمەی برین و لاوانەوەی شمشێر

عەزیز حاجی کورد وەکو گەلێکی هەرە دیرۆکی و دیندار و ئاشنا بەیەکتاپەرستی، لەدەوران و زەمانی …