ته‌ڤگه‌ر کۆمه‌ڵگه‌یه‌کی ئازاد و دیموکرات و ژینگه پاریز
بابەتی پەیوەندیدار
كۆلیژی كشتوكاڵی زانكۆی سلێمانیی رایگەیاند، بە چاندنی ٤٠٠ سەد دۆنم لە زەوی كشتوكاڵیی، سەدان تۆن دانەوێڵەی لە جۆری گەنم و جۆی دروێنە کرد.
لە راگەیاندراوێکیدا زانكۆی سلێمانی بڵاویکردەوە و ئاماژەی بەوەکردوە، ئەو زەوییەی بەرهەمەكانی لەسەر چێنراوە 400 دۆنمە و زەوی کۆلیژی زانستە ئەندازیارییە کشتوکاڵییەکانی زانكۆی سلێمانییە.
ئاماژەی بەوەشکرد، بەرهەمەكەی لە جۆری سپیی و ڕەش بووە، بڕێكی تریش لە گەنمی جۆری گەنمی نان و تریتیکاڵە، ئەمەیش هەر هەر لەو زەوییە كشتوكاڵییە بەرهەمهاتوون.
ئەوشەی خستەڕوو، بەرهەمەكانی بەشێكی بەكاردەهێنرێت بۆ ئالیکی پێویستی ئاژەڵەكانی كۆلیژی کشتوکاڵ، هەروەها بەشێکیشی ساڵانە دەفرۆشرێت بە جوتیاران و ئەو کەسانەی بۆ مەبەستی داچاندن پێویستیان بەو بەرهەمانەیە.
لە راگەیاندرواکەدا ئەوەش هاتووە، ساڵانە لە ڕێی لیژنەی تایبەت، کە پێکهاتوون لە شارەزایان لە مامۆستایان و فەرمانبەران و شۆفێرانی ئامێرە کشتوکاڵییەکانی كۆلیژ لەم وەرزەدا دەست بە دروێنەی بەرهەمە كشتوكاڵییەكانی كۆلیژ دەكرێت و ئەم پرۆسەیەش لە رۆژی یەك شەممەی رابردووەوە دەستپێكراوەو بەردەوامی هەیە.
