ته‌ڤگه‌ر کۆمه‌ڵگه‌یه‌کی ئازاد و دیموکرات و ژینگه پاریز
بابەتی پەیوەندیدار
بەگوێرەی بەڵگەنامە دزەپێکراوەکان، ئیدریس نێچیرڤان بارزانیی کاتژمێرەکەی دەستی کە لە جۆری “ڤاچێرۆن کۆنستنتین” زیاتر لە ٣٧٥ هەزار دۆلار کڕیوە.
شێوازی ژیانی گرانبەهای ئیدریس نێچیرڤان بارزانیی لە نێوان نایەکسانیی کۆمەڵایەتیی و ئابوورییدا پرسیار ئەوروژێنێت.
راپۆرتێکی ئی کورد کە تەڤگەر پرێس وەری گێڕاوە رایگدەگەیەنێت، لە کوردستانی عێراق کە بۆشایی نێوان دەوڵەمەندیی و هەژاریی بەردەوام لە فراوانبووندایە، شێوازی ژیانی گرانبەهای ئیدریس نێچیرڤان بارزانیی، کوڕە گەورەکەی سەرۆکی هەرێمی کوردستان نێچیرڤان بارزانیی، لەژێر چاودێرییدایە. ئیدریس لە خێڵی بارزانییەکانە، کە زیاتر لە سێ دەیەیە دەسەڵاتی لە ناوچەکەدا بەدەستەوەیە، ئیدریس لە هیچ خەرجییەک خۆی لە ئیسرافی ناپارێزێت، ئەمەیش وایکردووە زۆرێک لە خەڵکی بەکارهێنانی بەرپرسیارانەی سامان و دەسەڵات لە کۆمەڵگەیەکدا بخەنە ژێر پرسیارەوە کە لەگەڵ نایەکسانیی کۆمەڵایەتییدا و ئابووریی دەجەنگن.
بەڵگەنامەیەکی دزەپێکراو کە کۆمپانیای ئێکورد دەیلی دەستیکەوتووە، تیشی خستووەتە سەر خووەکانی خەرجکردنی زیادەڕۆیی ئیدریس، ئاشکرایکردووە کە لە ساڵی ٢٠١٧ لە ئەمریکا ٣٧٥ هەزار و ٣٩٩ دۆلاری لە دوو کاتژمێری لوکسدا خەرجکردووە /000P -9875، وەک نوێنەرایەتییەکی هێمادار بۆ سامان و دەوڵەمەندیی بێئەندازەی ئەو کارەئەکات. جگە لەوەش، ئارەزووی ئەو بۆ جلوبەرگی مارکەدار و جانتای دەستی ئاست بەرز و کەلوپەلی چەرمیی بەناوبانگ، ئارەزووی ئەوە نیشان دەدات کە ئەیەوێت بە ستایلێکی ناوازە جیاواز بێت کە پاڵاوتە و شکۆمەندیی هەبێت.
یەکێک لە بەڵگەنامە دزەپێکراوەکان ئاشکرایکردووە کە ئیدریس نزیکەی ٢٨ هەزار و ٨٦٣ دۆلاری لە فرۆشگایەکی لوکس لە ئەمریکا خەرجکردووە کە ناوی لۆرۆ پیانایە کە بە جلوبەرگی تایبەتیی ئیتاڵیی و بەرهەمە قوماشییەکانی بەناوبانگە. بەڵگەنامەیەکی دیکە باس لەوە دەکات کە ٦٢ هەزار و ٥٠ درەنگ لە دەوروبەری (١٧ هەزار دۆلار) لە بێرلوتی خەرج کردووە، کە دوکانێکی بەناوبانگی چەرمە لە ئیماراتی یەکگرتووی عەرەبیی و بە کاری دەستی و بەکارهێنانی کەرەستەی نامۆ ناسراوە. لە کاتێکدا کە ژمارە وردەکانی ئەم بەڵگەنامانە ڕەنگە بخرێنە ژێر پشتڕاستکردنەوە، بەڵام وردەکارییەک لە خووەکانی خەرجکردنی زیادەی ئیدریس دەخەنە ڕوو.
بەگوێرەی سەرچاوەیەکی نزیک، ئیدریس تەنانەت دوکانی زەڕەنگەریی ئیسرافیی خۆی بە ناوی H&Y لە کۆمپلێکس ئیمپایەر دامەزراندووە، کە گوایە کۆمەڵێک کاتژمێری تێدایە کە بەهای میلیۆنان دۆلارە، کە زۆربەیان کەلوپەلی تایبەتیی خۆیەتیی. لە کاتێکدا ئێکورد نەیتوانی بە شێوەیەکی سەربەخۆ ئەم ئیدیعایە پشتڕاست بکاتەوە، بەڵام وێنەکانی سۆشیال مێدیا کۆمەڵەیەکی بەرفراوانی کاتژمێرە گرانبەهاکانی ئیدریس پیشان ئەدەن.
بەپێی ئەو بەڵگەنامە دزەپێکراوانەی کە لەلایەن چاودێری مافی مرۆڤی کوردستانی عێراقە بڵاوکراونەتەوە، لە مانگی کانوونی دووەمی ساڵی ٢٠٢١، ئیدریس پشکەکانی لە بانکی نێودەوڵەتیی کوردستان بە زیاتر لە ٣٥ میلیۆن دۆلار (٣٩ ملیار دیناری عێراقی) فرۆشتووە. ئەم مامەڵەیە تیشک دەخاتە سەر ئەو سەرچاوە داراییە بەرچاوانەی کە لەبەردەستی ئیدریسدایە.
ئاماژەی بەوەشکردوە، ئیدریس، تاکە ئەندامی بنەماڵەی بارزانیی نییە کە خۆی بە شێوازێکی ژیانی لوکسەوە سەرقاڵ ئەکات. هەروەها ئارین ئامۆزاکەی کە کوڕە گەورەی مەسرور بارزانیی سەرۆکی حکومەتی هەرێمی کوردستانە، بەشداریی لە خەرجییە ئیسرافییەکان ئەکات، بەردەوام ئۆتۆمبێل و ئەسپە گرانبەهاکانی لە سۆشیال میدیا نمایش ئەکات. ئەمەیش زیاتر تیشک دەخاتە سەر مەیلە زەبەلاحەکانی نەوەی گەنجی ناو خێڵی بارزانیی.
ئەوەشخراوەتەڕوو، لە کاتێکدا شێوازی ژیانی گرانبەهای ئیدریس و ئارین وەک بەڵگەیەک لەسەر ئەو سامان و دەسەڵاتە بێئەندازەیەی کە خێڵی بارزانیی بەکاری ئەهێنن، بەڵام کۆی ئەو نایەکسانییە بەرچاوەی نێوان دەوڵەمەندیی و هەژاریی کە لەناو کوردستانی عێراقدا هەیە. لە کاتێکدا هەژارانی ئاسایی رەنجئەدەن بۆ مانەوە لە ناوچەیەکی دەوڵەمەند بە نەوت، بارزانییەکان بەردەوامن لە خەرجکردنی میلیۆنان دۆلار بۆ کاڵا و موڵکی لوکس لە سەرانسەری جیهاندا.
زۆرجار رەخنەگران و چاودێران خێڵی بارزانیی کە بە “ئۆلیگارشی کورد” ناسراون، تۆمەتبار دەکەن بە خزمایەتیی و گەندەڵیی و کۆکردنەوەی سامانێکی بەرفراوان لە بازرگانیی نەوتی هەرێم بۆ بەرژەوەندیی خێزانەکەی خۆیان، نەک خزمەتکردنی دانیشتووان. ئەم نمایشە ئیسرافییەی سەروەت و سامان لەلایەن ئیدریس و ئارینەوە، لەگەڵ پێگە بەهێزەکانیان لەناو حکومەتدا، ئەم نیگەرانیانە زۆ گەورەتر ئەکات.
بە گوتەی شرۆڤەکاران، مەسعود بارزانیی سەرۆکی عەشیرەت، وەک بەهێزترین سەرکردەی کوردستانی عێراق لە سێبەردا ماوەتەوە. مەسرور کوڕی مەسعود سەرۆک وەزیرانی هەرێمی کوردستانە و نێچیرڤان بارزانیی کوڕەزای سەرۆکی کوردستانە.
راپۆرتەکە هێمای بەوەشکردووە، “بۆ دروستکردنی کۆمەڵگەیەکی دادپەروەرانەتر، زۆر گرنگە سامان و دەسەڵات بە شێوەیەکی بەرپرسیارانە بەکاربهێنرێت، بە لەبەرچاوگرتنی خۆشگوزەرانیی کۆمەڵگەی گەورەتر. چارەسەرکردنی هۆکارە بنەڕەتییەکانی نایەکسانیی کۆمەڵایەتی و کارکردن بۆ دابەشکردنی دادپەروەرانەتر لە سەرچاوەکان بۆ گەشەپێدان و خۆشگوزەرانی کوردستانی عێراق زۆر گرنگە”، شرۆڤەکاری سیاسی ئێکورد هێناسە کەریم دەڵێت.
سێ بەڵگەنامە:BELGE NAME (1) BELGE NAME (2) BELGE NAME (3)
