ته‌ڤگه‌ر کۆمه‌ڵگه‌یه‌کی ئازاد و دیموکرات و ژینگه پاریز
بابەتی پەیوەندیدار
لە میانەی سەردانەکەی مایکل میشوستین سەرۆک وەزیرانی رووسیا بۆ چین، پەکین و مۆسکۆ رێککەوتننامەی نوێیان واژۆ کرد کە پەیوەندییان بە خزمەتگوزارییەوە هەیە.
رووسیا و چین رێککەوتنێکیان واژۆ کرد، بۆ فراوانکردنی هاوکارییەکان لە بازرگانیی خزمەتگوزارییەکان.
بەڵگەنامەیەک لە نێوان وەزارەتی گەشەپێدانی ئابووریی رووسیا و وەزارەتی بازرگانیی چین واژۆ کرا.
ماکسیم رێشێتنیکۆڤ، وەزیری گەشەپێدانی ئابووریی رووسیا و وان وێنتاو وەزیری بازرگانیی چین واژۆیان لەسەر دانوستانەکان کرد، دانوستان و هاوکارییەکان تا ٣ ساڵ درێژ دەکەنەوە.
هەردوولا لەسەر پەرەپێدانی ئاڵوگۆڕی بازرگانیی نێوان رووسیا و چین رێککەوتن، بۆ ئەوەی کۆمپانیاکانی هەردوو وڵات هانبدەن هەتا پێکەوە کاربکەن.
وەزیری گەشەپێدانی ئابووریی رووسیا، ماکسیم رێشێتنیکۆف ڕایگەیاند، بازرگانییکردن بە کاڵا و خزمەتگوزارییەکانەوە رۆڵێکی گرنگی هەیە لە پەیوەندییەکانی نێوان رووسیا و چین دا.
مایکڵ میشوستین، سەرۆکوەزیرانی رووسیا لەگەڵ شاندێکی وەزیری گەشەپێدانی ئابووریی رووسیا، سەردانی چینیان کرد بۆ پتەوکردنی پەیوەندییەکانی نێوان هەردوو وڵات.
