هە/پە/گە رایگەیاند، “دەوڵەتی تورکی داگیرکەر لە ٢٢ و ٢٣ی نیساندا ٤٨ جار هەرێمەکانی پاراستنی مێدیای بۆردومان کردووە.”
ناوەندی راگەیاندن و چاپەمەنیی هێزەکانی پاراستنی گەل (هە.پە.گە) راگەیەندراوێکی بڵاوکردەوە تیایدا هاتووە”٢٣ی نیسان کاتژمێر ١٢:٠٠ تا ١٣:٠٠ سوپای تورکی داگیرکەر هێرشی کردە سەر گۆڕەپانی بەرخودانی شاخی جودی. هێزەکانمان بەمەبەستی پارێزگارییکردن لە خۆیان بەرپەرچی هێرشەکەیان دایەوە و شەڕ هاتە ئاراوە.“
ئاماژەی بەوەشکرد، “٢٣ی نیسان بە فڕۆکەی شەڕ گۆشین، شاخی بەربزن و ئاوی لۆلانی خواکورک ٣ جار بۆردومان کران”.
هە.پە.گە لە راگەیاندراوەکەدا ئەوەشی خستووەتەڕوو: “٢٢ و ٢٣ی نیسان گۆڕەپانی دۆڵی لۆلان، گۆڕەپانی بەرخودانی شاخی جودی و سەنگەرەکانی بەرخودانمان لە چەمچۆ و سیدای خواکورک ٤٥ جار بە کاتیوشا، هاوان، تانک و چەکی قورس بۆردومان کران”.