ئەمڕۆ ٨/٤/٢٠٢٣، لە شاری کەرکوک، شاندێکی تەوژمی دیموکراسی سەردانی بارەگای ئەنجوومەنی هەرێمی کەرکوکی تەڤگەری ئازادیی کۆمەڵگەی کوردستانیان کرد و تێدا تاوتوێ دۆخی ناوچەکە و دۆخی خەڵکی شارەکەیان کرد.
سەبارەت بە سەردانەکەی ئەو شاندە کۆمەڵ سەرمەد هاوسەرۆکی ئەنجوومەنی هەرێمی کەرکوکی تەڤگەری ئازادیی، بۆ ئاژانسی هەواڵی فورات وتی: “ئەمڕۆ شاندێکی تەوژمی دیموکراسی سەردانی بارەگای تەڤگەری ئازادییان کرد لە کەرکوک، ئەم تەوژمە چەند ساڵیکە دورستبووە لەسەر ئاستی عێراق کاردەکات، ئامانجی سەرەکییان کۆکردنەوەی هێزە دیموکراتییەکان و ناڕازییەکانە لەچواچێوەی پرۆژەیەکی دیموکراتی بۆ خزمەتکردنی خەڵک، ئێمەش وەکو تەڤگەری ئازادیی ئامادەیی هەموو کارێکی هاوبەشمان ڕاگەیاند کە ئامادەین کاری هاوبەشیان لەگەڵ بکەین لەپێناو بەرژەوەندی خەڵکییدا”.