سیامەند موعینی: پێویستە شۆڕشی ‘ژن، ژیان، ئازادیی’ بە شێوازێکی رادیکاڵ بەردەوام بێت

سیامەند موعینی هاوسەرۆکی پەژاک لەبارەی شۆڕشی ‘ژن، ژیان، ئازادیی’ وتی: “پێویستە شۆڕشی ‘ژن، ژیان، ئازادیی’ بە شێوازێکی رادیکاڵ بەردەوام بێت. پێویستیشە ئەو لایەنانەی شۆڕش بەهێز بکەین و پێش بە لاڕیدا چونی بگیردرێت

سیامەند موعینی هاوسەرۆکی پارتی ژیانی ئازادیی کوردستان (پەژاک)، لە چاوپێکەوتنێکیدا بۆ ئاژانسی فورت نیوز لەبارەی دەسەڵاتی دیکتاتۆریی شای ئێران و هاتنی خومەینی و و شۆڕشی ‘ژن، ژیان، ئازادیی’ دەدوێت.

موعینی دەڵێت: بارودۆخی سیاسی و کۆمەڵایەتی پێش شۆڕشی گەلانی ئێران کە ئەم شۆڕشە بە پلانی مودیرنیتەی سەرمایەداری و کۆنەپەرەستی سونەتی ئێرانی بە لاڕێدا بردرا و هەموو ئاواتەکانی سەردەمی خۆی بە ئێعدام و کوشتار و ئەشکەنجەی ناو زیندانەکان لە لایەن دەستەڵاتی تازە پێگەییشتوی کۆماری ئیسلامی ئێرانەوە بەرەو فەنا برد.

هاوسەرۆکی پەژاک لە بارەی شۆشی ژن، ژیان، ئازادیی وتی: بەردەوامی و گەشەی ئەم شۆڕشە نوێیە کە بە دروشمی ژن، ژیان، ئازادیی دەستی پێکردوە، پێویستە بە شێوازێکی رادیکاڵ دەوامی هەبێت و لە سەر رێچکەی فەلسەفی ئەم دروشمە بەردەوام بێت و شۆڕشەکە بگەیەنێتە ئەنجام. بۆ ئەم کارە پێویستە چەند خاڵی سەرەکی لە پێش چاومان بێت کە کەمترخەمی لەم بوارانەدا، رەوتی شۆڕشەکە بە لاڕێدا دەبات. پێویستە ئەو لایەنانەی شۆڕش بەهێز بکەین و پێش بە لاڕیدا چونی بگیردرێت. گرنگە کە گەلی کورد بەبێ جیاوازی فیکری و پاڕادایمیکی یەکڕیز و یەکدەنگ حەڕەکەت بکات و لە بەرامبەر شونیزمی ناوەندگەرایی یەکدەست هەڵوێستی هەبێت و مکانیزمێک بدۆزێتەوە بۆ هاواهەنگی رێکخستنەوەکانی ناو ماڵی کورد و هاوزەمان پێویستە هەماهەنگی بکردرێت بۆ پشتیوانی گەلانی ئێران و بەیەکەوە کار کردن ببێتە کولتورێکی دێمۆکڕاتیک بۆ ئەوەی گەلان بەیەکەوە ژیان بکەن و لە مکانیزمی بەکار هێنانی گەلان لە لایەن حکومەتی ناوەندەوە بە دژی یەکتر پێشگیری بکردرێت. هاوزەمان حەول بدرێت کورد لە تێکۆشانی ئازادیخوازی لە سەرتاسەری ئێران چالاکانە تێکۆشان بکات. هاوکات بۆ سازکردنی زەمینە و بەستەری دێمۆکڕاتیک لە کۆمەڵگەدا کار بکردرێت و کولتوری دێمۆکڕاسی پەرەی پێبدرێت، لەم رەوشەدا مەیدان بە دیکتاتۆریەت و تاکڕەوی شۆفێنیزم و دەستەڵاتی ناوەندگەرا، تەنگ دەکرێتەوە و بیری دێمۆکڕاتیک و ئازادیخوازی بەرفراوان دەبێت، بەم شێوەیە دەتوانین بڵێین کە زەمینە بۆ سەرکەوتنی شۆڕش ئامادە دەکردرێت و شۆڕشی گەلان دەتوانێت بگاتە ئامانج.

 

 

هەروەها چێکی بکە

ئەردۆغان نەیتوانی بە مەرامە سیاسییەکانی خۆی بگات

چرۆ شوانیی باسلەوەکات ئەنجامی بەرپەرچدانەوەیەی هاوڵاتیان بۆ سەردانەکەی ئەردۆغان بۆ عێراق، دەگەڕێتەوە بۆ داگیرکاریی دەوڵەتی …

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *