ئایا بڕوایان بە گوێ گرتن هەیە

نەورۆز فازیل

 

کۆبونەوە ڕۆژنامەوانییەکەی مسرور بارزانی لەگەڵ ڕۆژنامەنوسەکاندا چ مانایەک هەڵئەگرێت؟ ئایا دیموکراسیەت و کرانەوه لە زهنیەتی دەسەڵاتەوە سەرچاوەی گردتووە و بڕوایان بە گوێگرتن هەیە لە ڕۆژنامەنوسان، تاپرسی  سیاسی، کۆمەڵایەتی،ئابوری،پەروەردە، تەندروستی، پێشمەرگە،تیرۆر و زۆرێکیر بگەیەنن، تا بزانن لە زمانی خەڵکەوە چی ناڕەزایەتییەک هەیە و ئەوترێت، بە بڕوای من تەنها دان بەخۆداگرتنی مسرور بارزانییە لە بەرامبەر ئەو پرسانەی باسکران، تەنها هەڵایەکی ئیعلامییە و هیچیتر.

کەی و لە کوێ بۆ یەکجاریش لە مێژووی ئەم هەرێمەدا گوێ لە خەڵک گیراوە، لەکاتێکدا  لەسەر داخوازییەکانی خەڵک ڕۆژنامەنوس تیرۆر کراوەو زیندانی کراوە، کەواته ئەم کۆبونەوەیە لە جەوهەردا هیچ بەهایەکی نییە، چونکە ئەم دۆخە ئەنجامی دوو ئیدارەیی و یەکنەگرتنی هێزی پێشمەرگە، سنوری دێگەڵە، پرسی ئابوری سەربەخۆ، کرانەوەو دیموکراتی، کێشەی ناوچە دابڕێنراوەکان، چونە ناوخەڵک و تێگەیشتن لە حاڵی خەڵک، شتێکی تازە نیە بۆ سەرۆکی حوکمەت، چونکە ئەم کێشەو قەیران و بە بنبەست گەیشتنە خۆیان دروستیان کردووە، بۆیە هەرگیز ئەنجامی گۆڕانکاری لێناکەوێتەوە، چونکە خۆبەزلزانی و لوتبەرزی وخۆم هەرخۆم وڕەتکردنەوەی خەڵک گەیاندیانە ئەم دۆخە.

خەڵک ئەم کۆبونەوەیەیان پێخۆشە وەک ئەوەی ڕووبەڕوو سەرۆکی حوکمەت کەوتۆتە بەر نەشتەری ڕۆژنامەنوسەکانەوە، بەڵام زەڕەیەک کاریگەری نابێت، چونکە پرسی چارەسەری بە ڕق و تۆڵەی بێبنەما نابێت. ئاشتکردنەوەی خەڵک و چارەسەری کێشەی ئابوری وسیاسی بەم گەندەڵییە ناکرێت.

 

سەیری پەیامی سادقی زیبا کەلام بکەین بۆمان دەرئەکەوێت ئەمەش نوێ نیە کە بە سەرۆکایەتییەکانی هەرێمی وت، چونکە ساڵانێکە گەلەکەمان ئەم بەڕێوەبەرییە  شکڵییە خراپە بەدەسەڵات ئەڵێن، بەڵام گەل بەشی لێدان و زیندان و چاوسورکردنەوە وبرسیکردن بووه، بەڵام سادقی زیبا کلام لە هێزی پشتیەوە ڕوونو ئاشکرا شەرمەزاریان ئەکات، ڕێگەی درێژەدانیان بەدەسەڵات واپیشان ئەدات کۆتایی تونێلی بەڕێوەبەریانە.

 

سوارچاکانی ئەم حوکمەتە ڕێگایان بۆ داگیرکەران کردۆتەوە زیاتر لە ماڵی خۆیان شەڕی گەلی باشورو ئاوارەی پارچەکانیتربکەن، کە ئەمەش بۆتە دیاردەیەکی ڕۆژانە لە تیرۆرو کوشتن و هەڕەشە لە خەڵک کردن،  لەلایەکیترەوە بەرتەسکردنەوەی چۆڕە ئازادییەی هەبوو، کە ئێستا خۆپیشاندانێکیش ڕێگە پێدراو نیە.

من پێموایە داڕمان و داڕزینی ئەم دۆخە لە هەموو لایەکەوە دەستی پێکردووە، چونکە حوکمەتی عێراقی ئەمڕۆ دەخوازێت هەیمەنەی ئابوری و سیاسی خۆی بسەپێنێت، تورکیا نەوتی هەرێم بەهەرزان ئەبات ودارەکان ئەبات، ژینگە بەگازی کیمیاوی پیس ئەکات، ئیران و ئیسرائیل کێشەکانیان لەنێو هەرێمدا یەکلا ئەکەنوە، کەواتە ئەم ناوەندەی ئێمە ناوەندێکی قازانجی سیاسەت و ئابوری وڵاتانە، لە ناوخۆشەوە لایەنەکان زوڕنا بۆ سەرۆک لێئەدەن و تەنانەت یەک ڕەخنەشیان نییه، چونکە ئەوانیش لەو جۆگەلەیە دەخۆنەوە کە دەسەڵات بۆی ڕاکێشاون. ڕوونتر بڵێم لایەنە سیاسیەکان گرێدراوی دەسکەوتو بەرژەوەندی خۆیانن،تاڕۆژی یەکلابونەوە،ئەمەش بێبەهایی و لاوازی، نەخۆشی، پارچەبون، ڕسوایی بەرهەمی بێدەنگیان ئەبێت.

 

هەروەها چێکی بکە

میدیا .. ڕای گشتی و پێگەی کۆمەڵایەتی

  ئەرسەلان بورنا  کۆتایییەکانی شەڕی دووهەمی جیهانی لە ئاکامی گۆڕانکارییەکان پێگەیەکی تایبەت و گرینگایەتییەکی زۆرتر …

وەڵامێک بنووسە

پۆستی ئەلکترۆنیکەت بڵاو ناکرێتەوە .