ته‌ڤگه‌ر کۆمه‌ڵگه‌یه‌کی ئازاد و دیموکرات و ژینگه پاریز
بابەتی پەیوەندیدار
گەریلاکانی هەپەگە و یەژاستار لە ناوچەی زاپی باشووری کوردستان چالاکییەکی بەهێزیان دژی سوپای تورکی داگیرکەر ئەنجامدا و هەشت داگیرکەری تورک لەو چالاکییەدا کوژراون.
ئاژانسی فورات نیوز لەزاری سەرچاوەیەک لە هەپەگەوە ڕایگەیاندووە، نیوەڕۆی دوێنێ ٣٠ی ئایار گەریلاکانی هەپەگە و یەژاستار لە گردی ئێف ئێم لە ناوچەی زاپی باشووری کوردستان چالاکییان دژی سوپای تورک ئەنجامداوە.
ئەوەش خراوەتەڕوو، کە لەو چالاکییەی گەریلاکاندا هەشت سەربازی داگیرکەری تورک کوژراون.
چاوەڕوان دەکرێت ناوەندی ڕاگەیاندن و چاپەمەنیی هەپەگە ڕاگەیەندراوێک لەبارەی ئەو چالاکییەوە بڵاوبکاتەوە و وردەکارییەکانی بخاتەڕوو.
