ته‌ڤگه‌ر کۆمه‌ڵگه‌یه‌کی ئازاد و دیموکرات و ژینگه پاریز
بابەتی پەیوەندیدار
شوان محەمەد
نگە بەس سەرکردەکانی پارتی و یەکێتی خۆیان هەڵخەڵتێنن کە سوپای تورکیا بۆ لێدان و لەناوبردنی پەکەکە هاتۆتە باشوری کوردستان، ئەی بۆ هاتە بەعشیقە، بۆچی لە عفرین و سەری کانێ و ئیدلبە لە سوریا، بۆ لە سۆماڵ و لیبیایە، بۆ لە قوبرسە.. ؟؟ دەیانەوێت شەڕێکی شەرماننانەی ناراستەوخۆ بکەن کە سوپای تورکیا داردەبڕنەوەو دەیفرۆشن لە تورکیا، پێنج هەفتەیە تورکیا هێرشی سەر ناوچەی ئامێدی دەستپێکردووە، بە دیاریکراوی لە ٢٣ ی نیسانەوە، تازە سووتانی دارەکان خەبەری کردوونەتەوە، بەڕێزان وەک دیلان بۆ کارەساتی ئەنفال، دەڵێت: نەک شوشە شکا وا رەز دەسووتێت. لەساڵانی رابردووەوە لە هێرشی تورکیا بۆ سەر باشووری کوردستان تا ئێستا زیاتر ١١٠ هاولآتی مەدەنی شەهید بوون، تەنها لە پارێزگای دهۆک من ناوی ٤٩ شەهیدی سڤیڵم لایە. بەدەیان برینداریش قوربانی ئەو هێرشە فراوانخوازیانەی تورکیایە.. ئۆردوگان بە ئاشکرا ریگەیاند: گەر لە ئەفەریقاش کیانێک هەبێت بۆ کورد ئێمە لە ناوی دەبەین..!! غیرەت گرتنی دەلێن: دارەکانمان دەبڕنەوە و لە تورکیا دەیفرۆشنەوە، ئەوان بە فڕۆکە و تانکەکانیان مرۆڤی مەدەنی کورد دەبڕنەوە، نەک تەنها دار!!.
