وتەبێژى کەجەکە ڕایگەیاندوە: شەوى رابردو گەریلا (28) سەربازى تورکیاى کوشتووە

وتەبێژى کەجەکە ڕایگەیاندوە: شەوى رابردو گەریلا (28) سەربازى تورکیاى کوشتووە

وتەبێژى کۆما جڤاکێن کوردستان (کەجەکە)، رایدەگەیەنێت؛ ئەو هێرشەى تورکیا ئەنجامى دەدات بەتەنها هێرش نیە بۆسەر گەریلا، بەڵکو هێرشە بۆسەر هەرێم و تەواوى دەستکەوتەکانى هەرێمى کوردستان.

زاگرۆس هیوا، وتەبێژى کەجەکە لە چاوپێکەوتنێکیدا ڕایگەیاندووە،” لە ماوەى پێنج رۆژدا 147 بۆردومانى سوپاى تورکیا هەبووە، بەڵام لە دوێنێ شەوەوە دەستیان بە ئۆپەراسیۆنێکى بە قۆناغ کردووە و ئەوەش بە دابەزاندنى لەشکر لەسەر لوتکەى چیاى کڕۆژار و ئەشکەوتى بریندار و وەرخلێ و چیاى رەش هەروەها لە هەندێک شوێنى هەرێمى ئاڤاشین”.

ئەوەشی باسکردووە، لە دوێنی شەوە شەڕ و پێکدادانى سەخت لە نێوان گەریلاو سەربازانى تورک دەستى پێکردووە و بەپێى زانیارییەکان (28) سەربازى تورک کوژراون و نۆ سەربازیش بریندارن، هەروەها دوو هەلیکۆپتەرى جەنگى سوپاى تورکیاش پێکراون.

زاگرۆس هیواى بەناوى کەجەکەوە داوا لە هێز و لایەنە سیاسییەکانى هەرێم و عێراق دەکات هاوکاربن بۆ بەرگرتن بەو هێرشانە و دەڵێت،” ئەو هێرشە، هێرشە بۆسەر هەموو باشورى کوردستان و تەنها هیرشێک نیە بۆسەر گەریلا، بەڵکو ئەوەى هەیە هێرشە بۆسەر کورد و دەستکەوتەکانى کورد لە باشور”.

وتەبێژى کەجەکە باس لەوەشدەکات، پێویستە هێزە هەرێمى و نێودەوڵەتییەکان کاریگەرییان هەبێت بۆ پاراستنى هەرێم و رێگریکردن لە هێرشەکانى سوپاى تورک.

ئەوەش لە کاتێکدایە، لە شەوى رابردووەوە سوپای تورکیا ئۆپەراسیۆنێکی زەمینی و ئاسمانی لە ناوچە سنورییەکانی نێوان باکور و هەرێمی کوردستان دەستپێکرد، لاى خۆشیەوە وەزیری بەرگری تورکیا رایگەیاند: سوپای وڵاتەکەی لە رێگەی وشکانی و ئاسمانییەوە ئۆپەراسۆسیۆنی “کلیل چنگ”-ی بۆ سەر ئامانجەکانی پەکەکە لە ناوچەکانی مەتینا، زاپ و ئاڤەشین- باسیان دەستیپێکردوە

هەروەها چێکی بکە

زیندانەكانی سروشت و ژینگە لە هەرێمی كوردستان

ئەبوبەكر مەجید چەند ناشیرین و جێگەی داخە! ئەو هەموو دار و گوڵ و گەڵا و …

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *