ته‌ڤگه‌ر کۆمه‌ڵگه‌یه‌کی ئازاد و دیموکرات و ژینگه پاریز
بابەتی پەیوەندیدار
هونەر تۆفیق
پرۆژە پەکخراوەکەی بەنداوی بێخمە بەیەکێک لە پرۆژە ستراتیژی و گەورەکانی رۆژهەڵاتی ناوەڕاست دادەنرێت کە دەکەوێت سەر زێ ی زابی گەورە لە هەرێمی کوردستان . جگە لەوەی کێشەی کەمئاوی نەک هەر لەهەرێمی کوردستان لە تەواوی عێراقدا چارەسەر دەکات ، لەهەمان کاتدا توانای دابینکردی ١٥٠٠ میگاوات کارەبای دەبێت و ژینگە و سروشتی ناوچەکەش دەبوژێنێتەوە . لە ١٩٩١ دا کە ئەو پرۆژەیە کەوتە دەست کوردەکان ، هەرچی ئالیات و پێداویستیە تەکنەلۆژیەکانی هەبوو ، تاڵانیان کرد و فرۆشتیان بە ئێران و تورکیا کە بە سەدان ملیۆن دۆلار مەزەندە دەکرا . دواتر بەبیانووی دابڕین و جیاکردنەوەی دەڤەری بادینان لە سۆران ، ئەو پرۆژەیە تا ئێستا پەکخراوە و بارزانیە دەستڕۆیشتووەکان ناهێڵن دەوڵەتی عێراق پرۆژەکە تەواو بکات .
لەهەمان هەڵکەوتەکەی ناوچەکەدا ( ڕووباری زاب) ڕێگەیان بە دەیان بنکە و سەربازگەی سوپای تورکیا داوە لە دەڤەرەکەدا پێگەیان قایم بکەن . زۆرینەی ئۆپراسیۆنە سەربازیە شکستخواردووەکانی تورکیاش هەر لەو دەڤەرەدا ئەنجامدراوە بەم دوا ئۆپراسیۆنەشەوە کە بەهاوبەشی لەگەڵ چەکدارەکانی پارتی دیموکراتی کوردستاندا شەوی ڕابردوو دەستیان پێکردووە .
ئەوەی جێگەی سەرسوڕمانە لە تێگەیشتنی فەرمانڕەوایی کوردیدا بۆ بەنداوی بێخمە کە بە سوود و قازانجی هاوڵاتیانی هەرێمە بەبیانووی دابڕینی باکوور و باشووری زاپەوە ناهێڵێت سەدەکە تەواوبکرێت ، لەهەمان کاتدا هێنان و دانانی سوپای تورکیا کە توندترین دابڕان و پچڕانی مێژوویی و ئەمنی و سیاسی لەناو کورددا دروست دەکات ، بەلاوە ئاسایی و قبوڵکراوە !!
