تڕ کەندن قەدەغەیە!

محمد گۆران

حاکمێک بۆ ئەوەی وڵات مەشغوڵکا بەوەزیرەکەی وت: چەن یاسایەک ڕێکخە تا زمانی ئەم خەڵکەی پێ ببەستین!
بۆ ڕۆژی دوایی وەزیر هاتە لای حاکم و یاساکانی خوێندەوە:

۱. باج و سەرانە سێ ئەوەندە زیاد دەکرێ
۲ . مووچە دەبێتە یەک لەسەر چوار واتە چارەکە مووچە
۳ . حاکم ساحێبی گیان و ماڵی خەڵکیە
٤ . تڕ کەندن قەدەغەیە

حاکم وتی: خاڵی چوارەم مانای چیە!؟
وەزیر: خاڵی چوارەم خاڵی دڵنیاییە، دواتر لێی تێدەگەی!

جاڕچییەکان یاساکانیان بەوڵاتدا بڵاوکردوە، خەڵکی وتیان باشە ئەوەی کە ماڵ و گیانی ئێمە بۆ پاشا بێت ڕوونە چونکە ئەو ساحێب دەسەڵاتە، بەڵام یانی چی تڕ نەکەنین!؟

ئیتر خەڵکی بۆ ئەوەی بێ فەرمانی شا بکەن لەکۆڵان و سوچ و پێچی شاردا، تڕیان دەکەند و مەجلیسی شەوانیان بە تڕ ئەڕازاندەوە، هەرکات ئەتڕین هەستیان ئەکرد کارێکی سیاسی گرنگ ئەنجامدەدەن!
پۆلیسیش لێرە و لەوێ تڕکەنەکانیان دەستگیر دەکرد و هەندێ جار موداهەمەی تەوالێتە گشتیەکانی شاریان ئەکرد بۆ ڕەشبگیری تڕ کەنەکان!

تا ڕۆژێک شا بەوەزیری وت: ئێستا تێگەشتم لەو خاڵە کە چەن دڵنیا کەرەوەیە، چونکە بووەتە هۆی بیرچوونەوەی هەرسێ خاڵەکەی دیکە.

هەروەها چێکی بکە

میدیا .. ڕای گشتی و پێگەی کۆمەڵایەتی

  ئەرسەلان بورنا  کۆتایییەکانی شەڕی دووهەمی جیهانی لە ئاکامی گۆڕانکارییەکان پێگەیەکی تایبەت و گرینگایەتییەکی زۆرتر …

وەڵامێک بنووسە

پۆستی ئەلکترۆنیکەت بڵاو ناکرێتەوە .