هەڵبژاردن لە کاتی خۆیدا ئەنجامدەدرێت

١٠ی تشرینی یەکەمی ئەمساڵ، هەڵبژاردنی پێشوەختەی پەرلەمانی عێراق بەڕێوەدەچێت، لە ئێستادا کۆمسیۆنی هەڵبژاردنەکان بەردەوامە لە ئامادەکارییەکان بۆ بەڕێوەچوونی پڕۆسەکە لە کاتی خۆیدا.

کازمی سەرۆک وەزیرانی عێراق  پشتیوانی خۆی بۆ بەڕێوەچونی هەڵبژاردنەکان لە کاتی خۆیدا دووپاتکردەوە و پاڵپشتی کابینەکەی بۆ کۆمسیۆن خستەڕوو بۆ گەرەنتیکردنی ئاسایشی دەنگدان و پاک و بێگەردی هەڵبژاردنەکان.

نوسینگەی مستەفا کازمی، لە ڕاگەینراوێکیدا ڕایاگەیاندووە سەرۆک وەزیرانی عێراق لە میانی پێشوازیکردنی لە عەدنان زورفی ئەندامی پەرلەمانی عێراق، باسی لەیەکخستنی تواناکان کردووە بۆ بەرەنگاربونەوەی سەرجەم ئاستەنگییەکان کە لە ئێستادا عێراق پیایدا تێپەڕ دەبێت.

هەر لە کۆبوونەوەکەدا هاتووە و  باس لە بەڕێوەچوونی هەڵبژاردنەکان کراوە و هەردوولا پشتیوانی خۆیان بۆ بەڕێوەچوونی هەڵبژاردنەکان لە مانگی تشرینی یەکەمی ئەمساڵدا دووپاتکردووەتەوە و پشتیوانیان لە هەنگاوەکانی کۆمسیۆنی باڵای سەربەخۆی هەڵبژادنەکان کردووە، بۆ گەرەنتیکردنی ئاسایشی دەنگدان و پاک و بێگەردی هەڵبژاردنەکان.

هەروەها چێکی بکە

لە رانییە لەبارە پیلانگێڕیی دژی رێبەر ئۆجالان سیمینارێک سازدرا

هاوسەرۆکی هەرێمی راپەڕیین-ی تەڤگەری ئازادیی، لە شارۆچکەی ڕانییە له‌بارەی پیلانگێڕیی سەر ڕێبەر ئۆجالان سیمینارێکی سازدا، …

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *