یاری ئاگرینەکان قەدەخە دەکرێت

پۆلیسی گەرمیان ئاماژەی بەوەکردوە” لێپرسینەوە لە هەر دوکان و مارکێتێک دەکرێت کە یاری ئاگرین بفرۆشن.

 

 لە راگەیاندراوێکدا پۆلیسی گەرمیان ڕایگەیاندووە، “لەگەڵ نزیکبوونەوەی جەژنی قوربان تەرەقە و یاری ئاگرین سەری هەڵداوەتەوە و رۆژانە هاوڵاتیان سکاڵا دێننە لای پۆلیس کە بەهۆی بەرزبوونەوەی پلەی گەرما و بەکارهێنانی یاری ئاگرینەوە لەکۆڵان و گەڕەکەکان مەترسی لەسەر ئۆتۆمبێل و گیانی منداڵانیان دروستبووە.”

 

ئاماژەبەوەشکراوە، دوێنێ مەفرەزەکانی ١٠٤ی کەلار لە هەڵمەتێکدا دەستیان بەسەر کۆمەڵێک تەرەقە و یاری ئاگریندا گرتووە.

 

پۆلیسی گەرمیانیش  داوایەک ئاڕاستەی دوکاندار و خاوەن مارکێتەکان دەکات، خۆیان بەدووربگرن لە فرۆشتنی ئەو یاریانەی کە زیانی گیانی و ماددی لێدەکەوێتەوە، بە پێچەوانەوە لێپرسینەوەیان لەگەڵ دەکرێت و ڕوبەڕوی یاسا دەکرێنەوە.”

 

ئەمەش دوای ئەوە دێت کە  ساڵانە لەگەڵ هاتنی بۆنە و جەژنەکاندا، بەشێکی  زۆری دوکان و مارکێتەکان یاری ئاگرین دەفرۆشن و بەشێکی هاوڵاتیانیش بێزاری دەردەبڕن لە بوونی ئەو جۆرە یاریانە، بەهۆی دەنگە بەرزەکەی و زۆر جار مەترسی سوتان و زیانی ماددی لێدەکەوێتەوە.

هەروەها چێکی بکە

                 ناکۆکی نێوان ئاشکرابوو

  کەسێک لە شاندی دانوستانکاری عێراقی ئاماژەی بەوەداوە، تا ئێستا لەگەڵ ئەمریکا نەگەیشتوونەتە هیچ رێککەوتنێک …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *