پرسەی شەهید زیلان هێژا دواخرا

وابڕیاربوو ئەمڕۆ٦/١٠/٢٠٢٢  پرسەی شەهیدان ناگیهان ئاکارسەل لە شوێنی شەهیدبوونەکەی  لەگەڕەکی بەختیاری لە سلێمانی بەڕێوەبچێت، بەڵام هاوڕێ و دۆستانی و خەڵکی ئازادیخواز پرسەکەیان ڕاگرد. تا گەیشتنی کەسوکارەکەی لە ئەوروپا و تورکیاوە بە هەرێمی کوردستان.

 ئەندامێکی  ئەکادیمیای ژنۆلۆژیی ئەوەی  ڕاگەیاندووە” کە پرسەی هاوڕێمان ناگیهان ئاکارسەل دوادەخرێت، تا کەسوکاری لە ئەوروپا و تورکیاوە دەگەنە سلێمانی و ڕێوشوێنی ناردنی تەرمەکەی بۆ زێدی خۆی جێبەجێ دەکەن”.

ئەوەشی خستۆتەڕوو: لە داهاتوودا هاوڵاتییان لە مەراسیمی پرسە و یادکردنەوەی شەهید ئاگاداردەکەینەوە”.

ناگیهان ئاکارسەل ناسراو بە زیلان هیژا کە ئەندامی ئەکادیمیای ژنۆلۆژیی و سەرنسەری گۆڤاری ژنۆلۆژیی لە ٤ی تشرینی یەکەم لە گەڕەکی بەختیاریی شاری سلێمانی درایە بەر دەستڕێژی گوللـە و شەهیدکرا.

بۆ ئەو مەبەستەش  دوێنێ بەڕێوبەرایەتیی ئاسایشی پارێزگای سلێمانی لە  ڕایگەیاندراوێکیدا بڵاوی کردۆتەوە “تۆمەتبارانی ڕووداوی کوشتنی ناگیهان ئاکارسەل لە گەڕەکی بەختیاریی شاری سلێمانی، بە هەماهەنگیی لەگەڵ بەڕێوەبەرایەتی ئاسایشی ڕۆژهەڵاتی هەولێر- کۆیە دەستگیرکران”.

بەپێی زانیارییەکانیش،  تۆمەتبارەکان لە دوایین خاڵی پشکنینی ئاسایشی یەنەکە لە سماقوڵیی دەستگیرکراون و هەوڵیانداوە بپەڕنەوە بۆ سنووری پەدەکە.

هەروەها چێکی بکە

تەڤگەری ئازادیی لەبارەی رەوشی سیاسیی هەرێمی کوردستان و عێراقەوە بەیاننامەیەکی بڵاوکردەوە

لەبارەی دۆخی عێراق و هەرێمی کوردستانەوە  تەڤگەری ئازادیی کۆمەڵگەی کوردستان، لەبارەی بەدۆخی ئێستای هەرێمی  کوردستان …

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *