ته‌ڤگه‌ر کۆمه‌ڵگه‌یه‌کی ئازاد و دیموکرات و ژینگه پاریز
بابەتی پەیوەندیدار
ڕۆژنامەی عەرەب چاپی لەندەن رادەگەیەنێت، دادگای باڵای فیدراڵی عێراق کاری ئەنجومەنی پارێزگاکانی هەرێمی کوردستانی عێراقی بەهۆی درێژکردنەوەی نایاسایی ماوەکەیان کە ساڵانێک لەمەوبەر بەسەرچوو بوو کۆتایی پێهێنا، هەروەک ئەوەی چەند مانگێک لەمەوبەر پەرلەمانی هەرێمی کوردستان بەهەمان هۆکار دادگا کارەکانی راگرت و هەڵی وەشاندەوە.
رۆژنامەکە ئاماژەی بەوەکردوە، زۆربەی جار دواخستنى هەڵبژاردنەکانى هەرێمی کوردستان بۆ ناکۆکیى سیاسىی و بۆشایی یاسایى و درستووریى دهگەڕێتەوە، بەڵام ئەوانەى ئاشنان بەکاروبارى ناوخۆیی هەێم ئەوە جەخت لەوە ئەکەکەنەوە کە هیچ ئیرادەیەکى ڕاستەقینەى سیاسیی بۆ پابەندبوون بەوادەى هەڵبژاردنەکانەوە نییە.
ئەوەشی خستووەتەڕوو، ئەوان گرنگیی پەرلەمانی کوردستانی عێراق و هەروەها ئەنجوومەنی پارێزگاکان بەکەم دەزانن لە داڕشتنی سیاسەت و بڕیاردان و جێبەجێکردنیان، بەو پێیەی هەرێم بە شێوەیەکی کردەیی لەلایەن نوخبەیەکی سنووردار لە سەرکردەکانی دوو حیزبە باڵادەستەکەی گۆڕەپانەکەوە بەڕێوەدەبرێت کە ئەویش پارتی دیموکراتی کوردستانە بە سەرۆکایەتی بنەماڵەی بارزانیی لە پلەی یەکەمدا دێت و یەکێتیی نیشتمانیی کوردستان کە لە ڕابردوودا سەر بە میراتگرانی جەلال تاڵەبانی بوون.
رۆژنامەکە راشیگەیاندوە: ئامادەکارییەکی جددیی بۆ وادەی هەڵبژاردنەکان لە کوردستانی عێراقدا نییە، ئەمەش وا دەکات زۆرێک لە چاودێران سەختی پابەندبوون بە وادەی دیاریکراو پشتڕاست بکەنەوە، ئەمەش پێشنیاری پەنابردنە بەر دواخستن دەکات.
رۆژنامەی عەرەب ئەوەشی خستووەتەڕوو: بەدەر لەم ئاستەنگە واقیعیانەی کە ڕێگریی لە پابەندبوون بە وادەی هەڵبژاردن دەکەن، ئەنجامنەدانی هەڵبژاردنی پەرلەمان، هەڵبژرادنی خۆجێیی لە کوردستانی عێراق دۆخێکی ئاسوودە بۆ سەرکردایەتی هەرێم دەڕەخسێنێت، بەو پێیەی ئەو دامەزراوانە پەکدەخات کە دەسەڵاتە ڕەهاکانیان ململانێی لەسەرە، تەنانەت ئەگەر شێوازی هەڵبژاردنەکان لە ئاستێکی سنوورداریشدا بێت، جگە لەوەی کە دەتوانرێت هەڵبژاردنەکان بگوازرێتەوە بۆ ئەو دوو دامەزراوەیە و هەندێک لە نەیارانی سیاسەتەکانی، وەک لە خولەکانی پێشووی هەڵبژاردنەکاندا ڕوویدا.
وەرگێڕان: سەریاس کەرکوکیی
