لەبارەی ٧٤ـەمین کۆمەڵکوژیی ئێزدییەکان کۆنفرانسێک بەرێوەئەچێت  

ئەمڕۆ لە نۆیەمین ساڵەی کۆمەڵکوژیی ئیزدییەکان دا، “تاژێ”  لە شاری سلێمانی کۆنفڕانسێک بە بەشداریی لایەن و ڕێکخراوەکانی ژنان لە پێکهاتە و باوەڕییە جیاوازەکانی  هەرێمی کوردستان بەڕێوەئەبات.

تەڤگەری ئازادیی ژنانی ئێزدی (تاژێ) لە ڕاگەیەندراوێکی بڵاوکردەوە و تیایدا هاتووە، ئەمڕۆ ١٢ی ئاب لە شاری سلێمانی کۆنفرانسی پێکهاتە و باوەڕە جیاوازەکانی ژنان بە دروشمی “تێکۆشانی هاوبەشی ژنانی پێکهاتە و باوەڕییەکان هەنگاونانە بەرەو بنیاتنانی سیستمێکی دیموکرات، زامنی کۆتایی هێنانی کۆمەڵکوژیەکانە” لە کاتژمێر ٠٨:٠٠ـی بەیانی تا٥:٣٠ـی ئێوارە، لە هۆڵی هۆتێل داوای شارەکە بەڕێوەئەچێت.

ئاماژەی بەوە ئەکات: لە ٣-٨-٢٠١٤ کۆمەڵکوژیی بەسەر کۆمەڵگاکەماندا هات، ئێمە وەکو تەڤگەری ئازادیی ژنانی ئێزیدی لە سەرەتادا شەهیدانی ٧٤ـەمین کۆمەڵکوژیی بە خۆشەویستی و ڕێزەوە بەبیر دەهێنینەوە و لە بەرامبەریاندا سەری ڕێز دادەنەوێنین.

ئەوەشخراوەتەڕوو، ٧٤ـەمین کۆمەڵکوژیی بە دەستی چەتەکانی داعش و هاوکارەکانی بەسەر کۆمەڵگای ئێمەدا هێنرا، لە کەسایەتی ژناندا تەواوی کۆمەڵگای ئێیزدیمان کرا بە ئامانج، لە ئەنجامی ئەو کۆمەڵکوژییەدا بە هەزاران ژن و منداڵ و کەسمان کوژران، هەتا ئێستاش بە هەزاران ژن و منداڵ لە دەستی چەتەکانی داعشدان، هەروەها ١٤ی ئاب ساڵیادی کۆمەڵکوژیی تلعزێر و سیبا شێخ خدرە، لەو کۆمەڵکوژەییەدا بەسەدان کەسمان شەهیدبوون و بریندار بوون.

لە راگەیاندراوەکەدا ئەوەش هاتووە: لە ساڵیادی کۆمەڵکوژیی ٢٠٠٧-٢٠١٤ کۆنفرانسی ژنانی پێکهاتە و ئایینە جیاوازەکان، بە دروشمی :تێکۆشانی هاوبەشی ژنانی پێکهاتە و باوەڕییەکان هەنگاونانە بەرەو بنیاتنانی سیستمێکی دیموکرات، زامنی کۆتایی هێنانی کۆمەڵکوژیەکانە” ١٢ی ئاب لە شاری سلێمانی بە بەشداریی ڕێکخراوەکانی ژانان، پێکهاتە و باوەڕەکان ئەنجام دەدرێت.

تاژێ هێمای بۆ ئەوەشکردوە، تەڤگەری ئازادیی ژنانی ئێزیدی تێکۆشانی تۆڵەکردنەوەی ٧٤ـەمین کۆمەڵکوژیی، لەسەر بنەما و بە ئامانجی ڕزگارکردنیی هەموو ژنانی ئێزیدی کە لە دەستی چەتەکانی داعشدان ئەنجام دەدرێت، هەروەها بۆ خاوەنداریەتی کردنە لە بوونی خۆمان و پێشگرتن لە کۆمەڵکوژییە، هەتا کۆتایی ئێمە تێکۆشانمان بۆ ئازادیی گەورەتر دەکەین، بەرخۆدانمان مەزنتر دەکەین.

هەروەها چێکی بکە

ئەردۆغان نەیتوانی بە مەرامە سیاسییەکانی خۆی بگات

چرۆ شوانیی باسلەوەکات ئەنجامی بەرپەرچدانەوەیەی هاوڵاتیان بۆ سەردانەکەی ئەردۆغان بۆ عێراق، دەگەڕێتەوە بۆ داگیرکاریی دەوڵەتی …