ته‌ڤگه‌ر کۆمه‌ڵگه‌یه‌کی ئازاد و دیموکرات و ژینگه پاریز
بابەتی پەیوەندیدار
کۆمەڵەی رۆژنامەنووسانی کوردستان، پێشێلکارییەکانی بەرامبەر شێروان شێروانیی شەرمەزار کرد و راشیگەیاند تورکیا بووەتە زیندان بۆ رۆژنامەوانان.
ئەمرۆ سێ شەممە، کۆمەڵەی رۆژنامەنووسانی کوردستان راگەیەندراوێکی بڵاوکردەوە و تیایدا هاتووە، “ئێمە رووداوەکانی ئەم دواییەی پەیوەست بە پێشێلکردنی ئازادیی رادەربڕین و ئازادیی کاری رۆژنامەوانیی لە تورکیا و باشووری کوردستان بە توندی شەرمەزار دەکەین”.
ئاماژە بەوەکراوە، دەستگیرکردنی رۆژنامەوانان فرات جان ئارسلان، دەلال ئایکوز و سیبەل یوکلەر لە تورکیا ئەوە دەردەخات کە تورکیا بووەتە زیندان بۆ رۆژنامەوانان.
هەروەها لە راگەیاندراوەکەدا ئەوەش خراوەتەڕوو، سەپاندن و برینەوەی چوارساڵ سزای زیندان بە سەر رۆژنامەوان شێروان شێروانیی لە باشووری کوردستانیش وەک خراپبوونی دۆخی ئازادیی راگەیاندن لە باشووری کوردستان پێناسە کراوە.
هەروەها، داوائەکات کە رۆژنامەوانانی زیندانیی دەستبەجێ ئازاد بکرێن و ئازادیی کاری رۆژنامەوانیی گەرنتی بکرێت.
کۆمەڵەکە راشیگەیاندوە: “رۆژنامەوانیی تاوان نییە، مافێکە و ئەو مافە دەبێت لە هەموو هەلومەرجێکدا دەستەبەربکرێت و پارێزراو بێت”.
