ئەنجومەنی کوردانی رۆژئاوا، بە بۆنەی یادی ١١ ساڵەی شۆڕشی رۆژئاوای کوردستانەوە لەشاری رانییە، ئاهەنگێکی سازدا.
ئێوارەی دوێنێ ١٤ی تەمووز ، ئەنجومەنی کوردانی رۆژئاوای کوردستان لە شاری رانییە-لە هۆڵێ بتوێن ، بە بۆنەی یادی ١١ ساڵەی شۆڕشی رۆژئاوای کوردستانەوە ئاهەنگێکی هەڵپەرکێ و موزیکیان پشکەشی ئامادەبووان کرد.
لە دوای خولەکێک وەستان بۆ شەھیدانی شۆڕشی رۆژئاوای کوردستان، نوێنەری باکوور و رۆژھەڵاتی سوریا لە هەرێمی کوردستان پەیامێکی پیشکەشکرد، بە ناوی نوێنەرایەتیی ئیدارەی خۆسەر ١١هەمین ساڵیادی شۆڕشی رۆژئاوای کوردستانی لە کەسایەتیی شەهید فەرهاد دێرک، شەهید ڕەیحان و تەواوی شەهیدانی کوردستان بەبیرھێنایەوەو رایگەیاند: شۆڕشی رۆژئاوا، نموونەی دیموکراتیی و پێکەوەژیانی گەلانە لە ناوچەکەدا و گەل خاوەنداریی لێئەکات، ئەزمونی پەنجاساڵەی فیکر و فەلسەفەی رێبەر ئاپۆی تیادا بەر جەستەبووە.
بکر کۆبانیی، پەیامی بنەماڵەی شەھیدانی رۆژئاوای پێشکەشکرد.
گرووپی ھونەریی، ھەڵپەرکێ و گرووپی گەنجانی حاجیاوا نمایشی سەرنج راکێشیان پێشکەشکرد، ئاھەنگەکە بە سرود و ھەڵپەرکێی جۆش و خرۆشی بە ئامادەبوان بەخشیی.