ته‌ڤگه‌ر کۆمه‌ڵگه‌یه‌کی ئازاد و دیموکرات و ژینگه پاریز
بابەتی پەیوەندیدار
وەزارەتی پلاندانانی عێراق رایگەیاندوە، بەتایبەت دوای بڵاوبوونەوەی ڤایرۆسی کۆرۆنا لە چەند ساڵی رابردوودا رێژەی بێکاریی بەرزبووەتەوە بۆ لە 16.5 %، هەر بۆیە کۆرۆنا بە ھۆکارێکی سەرەکیی زیادبوونی بێکاریی دائەنرێت.
وتەبێژی وەزارەتی پلاندانانی عێراق عەبدولزەھرە ھنداویی رایگەیاند، رێژەی بێکاریی بەگوێرەی ئاماری ساڵی ٢٠٢١، گەیشتووەتە ١٦.٥%، ئەوەش بەھۆی کاریگەرییەکانی ڤایرۆسی کۆرۆنا لە ماوەی ساڵانی ٢٠٢٠ و ٢٠٢١.
ئاماژەی بەوەشکرد، بەڕێوەچوونی ھەڵبژاردنی ئەنجومەنی پارێزگاکان لە کۆتاییەکانی ئەمساڵ، ھۆکارە بۆ بەڕێوەنەچوونی سەرژمێریی دانیشتووان، بەڵام ١٠٠% ساڵی داھاتوو ئەو پڕۆسەیە بەڕێوەئەچێت.
وتەبێژی وەزارەتی پلاندانانی عێراق ئەوەشی باسکرد، ھەروەھا بەپێی ئامارەکان، ژمارەی دانیشتووانی عێراق ٤٢ ملیۆن کەسی تێپەڕاندووە و رەنگە تاکو کۆتایی ئەمساڵ بگاتە ٤٣ ملیۆن کەس.
