ته‌ڤگه‌ر کۆمه‌ڵگه‌یه‌کی ئازاد و دیموکرات و ژینگه پاریز
بابەتی پەیوەندیدار
وتەبێژی تەڤگەری ئازادیی رایگەیاند، داوا لە حکوتەی عێراق ئەکەین بە گوێرەی یاساکانی ئاو و ژینگە و یاسا نێودەوڵەتییەکان، بەرەنگاریی ئەو پێشلکارییانە ببێتەوە کە سوپای تورکیا ئەیکاتە سەر خاکی هەرێمی کوردستان وعێراق.
جومعە کەریم وتەبێژی تەڤگەری ئازادیی کۆمەڵگەی کوردستان، لە رۆژی جیهانیی ژینگەدا بە ماڵپەڕی تەڤگەری راگەیاند: لە رۆژی جهیانیی ژینگەدا ئیدانەی هەموو ئەو پێشلکارییانە ئەکەین کە سوپای داگیرکەری تورکیا بەرامبەر بەژینگەی کوردستان ئەیکات، هەر لە سوتاندنی دارستانەکان و رەز و باغی هاووڵاتییان، تاکو ئەگاتە بڕینی سەدان هەزار دار و کیمیابارانکردنی چیاکانی کوردستان و بەکارهێنانی دەیان جۆر گازی کیمیایی، کە دەرئەنجام ژینگە و کەشوهەوای کوردستان و ناوچەکە بەهۆی ئەو بۆردومانانەی تورکیاوە پیسبووە.
ئاماژەی بەوەشکرد، بە هۆی بڕینیەوەی دارزەیتووەنەکانی عەفرین و گرتنەوەی ئاو لە هەردوو رووباری دیجلە و فورات لە لایەن تورکیاوە، ئەمە بووە هۆی تێکچوونی ژینگەیی بە درێژای هەردوو رووبار لە ناوخاکی عێراق و سوریا، هەروەها وشک بوونی هۆڕەکان لە خواروی عێراق و لە ناوچوونی هەزاران ماسیی و گیاندارە ئاوییەکان.
وتیشی: داوا لە حکومەتی عێراق ئەکەین بە گوێرەی یاساکانی ئاو و ژینگە، یاسا نێودەوڵەتییەکان بەرەنگاریی ئەو پێشلکارییانە ببێتەوە کە سوپای تورکیا ئەیکاتە سەر خاکی هەرێمی کوردستان وعێراق.
وتەبێژی تەڤگەری ئازادیی، داواشی لە هاووڵاتییان کرد پارێزگارییکردن لە ژینگە بە ئەرکێکی نیشتمانیی و نەتەوەیی بزانن، هەتا کوردستانێکی سەوز و ژینگەیەکی پاکمان هەبێت بۆ مرۆڤایەتیی.
