ته‌ڤگه‌ر کۆمه‌ڵگه‌یه‌کی ئازاد و دیموکرات و ژینگه پاریز
بابەتی پەیوەندیدار
ئاسایشی پارتی لە دهۆك، بەجلی مەدەنییەوە هەڵدەكەوتنە سەر شوێنی مانەوەی رۆژانەمەنووس ئومێد بەرۆشكیی و هاوپیشەیەکی تری لە شارەکە دەستگیر دەکەن، سەنتەری میترۆش جەختدەکاتەوە: ھەوڵ و پیلانێکی دیکەیە ھەیە بۆ سەر رۆژنامەنوس و چالاکوانان لە پارێزگای دھۆک.
ئەمڕۆ دوو شەممە ١٧/٤/٢٠٢٣ ئەیھان سەعید، نوێنەری سەنتەری میترۆ لە دھۆک، لەوەبارەیەوە راگەیەندراوێكی بڵاوکردەوە تیایدا هاتووە:”ئەمرۆ کاتژمێر ٢ی دوای نیوەرۆ ھێزێک بەناوی ئاسایشی دھۆک و بەجلی مەدەنی و دوو ئۆتۆمبێل ھەلدەکوتنە سەر شوێنی حەوانەوەی رۆژنامەنوس ئومێد بەرۆشکی لە جاددەی K.R.O لە ناوەندی شاری دھۆک و لەگەڵ رۆژنامەنوس یاسر ئەبدولرەحمان دەستگیری دەکەن و ھەموو کەلوپەلە رۆژنامەوانیەکانی (سێ کۆمپیۆتەر، لاپتۆپێک، کامێرو مایک) دەستبەسەر دەکەن، تەنانەت کتێبەکانیشی کە خوێندکارە لەگەڵیان خۆیان دەبەنە ئاسایش.”
ئەوەش هاتووە: “دەستگیرکردن و ڕفاندنی ئومێد بەرۆشکی و یاسر عەبدولرەحمان بۆ ماوەی زیاتر لە کاتژمێرێک و بێ بڕیاری دادگا و بێ ئاگاداری سەندیکای رۆژنامەنوسان بوە لە کاتێکدا ئەمە دژی یاسای ژمارەی ٣٥ی رۆژنامەگەری کورد یە.”
نوێنەرەکەی میترۆ ئەوەشی خستووەتەڕوو: “گرتن و رفاندنی ئومێد بەرۆشکی و دو سکاڵای نوێ لەسەر شێروان شێروانی و دوبارە بانگکردنی ئازادکراوانی بادینان بۆ دەزگا ئەمنییەکان و بەردەم دادگا، پێمان دەڵێن ھەوڵ و پیلانێکی دیکەیە ھەیە بۆ سەر رۆژنامەنوس و چالاکوانان لە پارێزگای دھۆک و بەتایبەتی ئەوەی دوای سزایەکی نادادپەروەرانە ئازاداکراون، بەئەمەش دوبارە راپۆرتی نوێنەرانی وڵاتان و رێکخراوە جیھانیەکان لەسەر ھەرێم جەخت لەسەر لاوازی ئازادی رادەربرین و کاری رۆژنامەوانی دەکەن.”
