فیلمی دیکۆمێنتاریی: رۆژئاوا، کورد، دەوڵەتی تورک و داعش

دیکۆمێنتاریی “رۆژئاوا، کورد، دەوڵەتی تورک و داعش” لەبارەی هاوکارییەکانی دەوڵەتی تورک لەگەڵ چەتەکانی داعش و بەردەوامبوونی هەڕەشەکانی داعش لە کەناڵی دەبڵویو دی ئاڕی ئەڵمانی پەخش دەکرێت.

دەرهێنەر کاوە ئەکراوی و رۆژنامەوان گوڵان ئەکراوی بۆ بەدواداچوونی دۆخی ناوچەکە سەردانی رۆژئاوا/باکوور و رۆژهەڵاتی سوریایان کرد. گوڵان ئەکراوی ئاماژەی بەوەکرد کە کارەکانی وێنەگرتن لە ئەیلولی ٢٠٢١ دەستیپێکردوە.

کاوە ئەکراوی، ئەوەی خستەڕوو هاوکاریی نێوان دەوڵەتی تورک و چەتەکانی داعش و مەترسییەکانی ئەو هاوکارییە هەیە، لە فیلمە دیکۆمێنتارییە کەدا دەرهێنەر سەرنجیش بۆ سەر بەرخودانی ژنانی کورد و قەسەدە رادەکێشێت.

گوڵان ئەکراوی ئاماژەی بەوەکرد کە لە فیلمە دیکۆمێنتارییەکەدا هەڕەشە و هێرشەکانی دەوڵەتی تورک لە رێگەی فڕۆکە بێ فڕۆکەوانەکانیەوە کە راستەوخۆ مەدەنییەکان دەکەنە ئامانج راوەستەی لەسەر کراوە.

لە فیلمە دیکۆمێنتارییەکەدا ئەوەش خراوەتەڕوو کە زیاتر لە ٤ ملیۆن مرۆڤ لە رۆژئاوا دەژین و ژیانی گەلان لەوێ راستەوخۆ لە ژێر هەڕەشەی دەوڵەتی تورک و چەتەکانی داعشدایە.

لە فیلمە دیکۆمێنتارییەکەدا هەروەها هێما بۆ مەترسییەکانی زیندانەکان و کەمپەکانی راگرتنی ئەندامانی داعشیش دەکرێت. لە دیکۆمێنتارییەکەدا باس لەوە دەکرێت کە ١٢ هەزار چەتەی داعش زیندانی کراون و ٥٠ هەزار لە کەسوکار و بنەماڵەی چەتەکانیش لە کەمپەکاندا دەژین.

فیلمە دیکۆمێنتارییەکە بەدوای وەڵامەوەیە بۆ ئەم پرسیارانە: رۆژئاوا چۆن دەتوانێت بەرامبەر بە هەڕەشەی دەوڵەتانی دراوسێ و سەرلەنوێ خۆرێکخستنەوەی داعش خۆی بپارێزێت؟ بۆ راگرتنی چەتە ئیسلامییەکان و سەرلەنوێ گەڕاندنەوە و پەروەردەکردنەوەی منداڵان پێویستی بە گرتنەبەری چ هەنگاوێک هەیە؟

بەڵگەفیلمەکە ١٢ی نیسان کاتژمێر ٢٢:١٥ لە کەناڵی دەبڵیو دی ئاڕی ئەڵمانییەوە پەخش دەکرێت.

هەروەها چێکی بکە

كاروبارە تەندروستییەكانی هەرێمی کورستان بووە بە بازرگانیی

ئەبوبەكر مەجید سیستەمی تەندروستیی بابەتێکی گرنگە بۆ مرۆڤ، بە درێژایی مێژوو مرۆڤ لە گەڕاندابووە بۆ …

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *