ته‌ڤگه‌ر کۆمه‌ڵگه‌یه‌کی ئازاد و دیموکرات و ژینگه پاریز
بابەتی پەیوەندیدار
کۆمیتەی پەیوەندییەکانی دەرەوەی کەجەکە بە توندی ئیدانەی هێرشی دەوڵەتی فاشیستی تورکی کرد بۆ سەر فڕۆکەخانەی سلێمانی و ڕایگەیاند کە خەڵکی باشووری کوردستان هەڵوێستی پێویست بەرامبەر بە دەوڵەتە داگیرکەرەکان و تۆڕەکانی خیانەتی هاوبەش نیشان دەدەن.
کۆمیتەی پەیوەندییەکانی دەرەوەی کەجەکە لە ڕاگەیەنراوێکدا سەبارەت بە هێرشەکەى دەوڵەتی داگیرکەری تورک بۆ سەر فڕۆکەخانەى سلێمانى ڕایگەیاند: لە خەباتی ئازادی کوردستاندا، ئێمە بە قۆناغێکی مێژوویی گرنگدا تێدەپەڕین، فاشیزمی ئاکەپە-مەهەپە لە شەڕی قڕکردندا بە هەموو تواناو ئامڕازەکانی خۆیەوە لە دژی تەڤگەری ئێمەو و هێزە نیشتمانپەروەرەکانمان و گەلەکەمان دەستی پێکرد. بەهۆی هەڵوێستی ڕێبەر ئاپۆ کە بەرخۆدانی مێژوویی لە ئیمراڵی و قوربانیدانی گەریلا لە چیاکانی کوردستان بەرەنگاربوونەوەی هەموو جۆرە چەکێک نیشاندا، دەوڵەتی داگیرکەری تورک تووشی شکستێکی قورس بوو، دەوڵەتى ئەردۆغان، کە کەوتووەتە ژێر شکست و نائومێدییەوە، لە پشت بە هەموو جۆرە دۆخێکی ئاڵۆز و ئاژاوەوەگێڕیدایە.
کەجەکە دەشڵێت: ئەردۆغانی فاشیست دەیویست فاشیزم لە هەموو شوێنێک زاڵ و سەروەر بکات و پرۆسەی خۆبەدەستەوەدانی کۆمەڵگا تەواو بکات، لە نەورۆزدا، بە بەرخۆدانی ژنان و لاوانی کورد، مەرامی ئەردۆغان پوچەڵ بۆوەو یادەوەرییەکەی لە قوڕگیدا مایەوە، ئەم دەوڵەتە فاشیستە وردە وردە بەرەو لەناوچوون هەنگاو دەنێت و گەلەکەمان لە ۱٤ی ئایاردا کۆتایی بە فاشیزم دەهێنێت.
هەروەها کەجەکە ئاماژەى بەوەشکردوە، دەوڵەتىی ئەردۆغان، کە لە ناوەڕاستی وێرانکاری و بێهاوتادایە، ڕەنگە هەموو جۆرە ئاژاوەگێڕییەک دروست بکات، بەڵام ئیدی چیتر ناتوانێت جەماوەر لە دەوری خۆی کۆبکاتەوە.
لە ڕاگەیەنراوەکەی کەجەکەدا ئەوەش هاتووە: ئەردۆغان هیچ کۆبوونەوەیەکی گەورە لە دەوروبەری نییە، تەڤگەرەکەمان دەزانێت کە ئەردۆغانی فاشیست ئامادەیە هەموو جۆرە تاوانێکی ناوخۆیی و نێودەوڵەتی ئەنجام بدات، بۆ ئەوەی لە دەسەڵاتدا بمێنێتەوە و تەڤگەری ئێمە بڕیاری بێچالاکی بوونى خۆی درێژکردەوە کە بەهۆی بوومەلەرزەکەوە ڕایگەیاندبوو، تا هەڵبژاردنەکانی ۱٤ی ئایار ئەو بڕیارە چالاک بمێنێتەوە. لەگەڵ ئەوەشدا، سوپای داگیرکەری تورک هێرشەکانی بۆ سەر ناوچەکانی بەرگری میدیا و ڕۆژئاوا و باشوور و شەنگال و هەموو کوردستان زیاد دەکات.
لەبەشێکی دیکەى ڕاگەیەنراوەکەى پەیوەندییەکانى کجەکە ئاماژە بەوە کراوە، لەکاتێکدا کەجەکە بریاری بێچالاکی داوە، بەڵام کۆماری تورکیای داگیرکەر ئەمجارە بە هاوکاری لەگەڵ پەدەکە باشووری کوردستان بۆ مەبەستی تیرۆریستی بەکاردەهێنێت و هێرش دەکاتە سەر ناوچەکانی گەلەکەمان لە باشووری کوردستان، لە کاتێکدا دەوڵەتی تورکیا بووە بە چەتەیەکی تیرۆریستی نێودەوڵەتی و ڕێکخراوێکی سیاسەتی دژ بە کوردات، هەموو ڕۆژێک دەبێتە هەڕەشە بۆ سەر سەقامگیری ناوچەکە.
هەروەها کەجەکە جەختیکردەوە، بۆ دۆزینەوەی ڕێگایەک بۆ دەربازبوون لەم هێرشە تیرۆریستییە، کۆماری تورکیا هەمیشە هێزی هاوبەش بۆ خۆی دەبینێت. ئەم هێزە پەدەکەیە لەباشوری کوردستان و شنگال و لە عەفرین و ئەهرار و دیمەشق و لە کۆبانی داعش، لەگرێسپی سوپای ئازدا(ئۆسۆ)، هەروەها لەم قۆناغەشدا پەدەکە بووەتە ئامرازێکی سەرەکی هێرشە تیرۆریستییەکانی تورکیا بۆ سەر چوار بەشی کوردستان لە بری حکومەتی باشوور.
لەو ڕاگەیەنراوەدا ئەوەش خراوەتەڕوو، کە پەدەکە بە تەنیا لە ناو ڕای گشتی کوردستان و لە ناو حکومەتی باشووری کوردستاندا ماوەتەوە و بووەتە سپۆنسەری تاوانە تیرۆریستییەکانی دەوڵەتی تورک، ئێمە وەک تەڤگەری ئازادی کوردستان لە پرۆسەی گەیشتنی دەوڵەتی تورکیا بۆ باشووری کوردستان و دامەزراندنی بنکەی سەربازی و شەهیدبوونی گەریلای ئازادی کوردستان بە چەکی کیمیایی، چەند جارێک بە بەڵگەنامە و بەڵگەنامەوە ئاماژەمان بەوە کردووە کە پەدەکە پشتیوانی لە دەوڵەتی تورک دەکات.
پەدەکە بەردەوامە لە دۆخی خیانەتەکەی و ئەمجارە دەبێتە سپۆنسەری دەوڵەتی تورکیا بۆ ئەوەی هێرش بکات بۆ سەر فڕۆکەخانەی سلێمانی و هەڕەشە لە هاوڵاتیانی مەدەنی بکات، هەموو کورد ئەم هێرشانە وەک پیلانێکی داگیرکاری بۆ دۆخی باشووری کوردستان دادەنێن، بەڵام پەدەکە دەوڵەتی تورکیا بە ڕەوا دەبینێت و دەوڵەتی تورکیا هاندەدات بۆ هێرشی نوێ، “کەجەکە وای وت”.
هەروەها پەیوەندیەکانى دەرەوەی کەجەکە ئەوەش دەڵێت: ئاشکرایە کە پەدەکە هیچ سنورێک ناناسێت لە خزمەتی بەرژەوەندییەکانی کۆماری تورکیادا. ئەو بووە بە هاوبەشی کۆماری تورکیا لە دوژمنایەتی بەرامبەر بە کوردەکان و هەموو ئەو شتانەی کە بە سوودن بۆ کوردەکان دەگوازێتەوە بۆ دەوڵەتی تورکی داگیرکەر. تاوانی گەندەڵی و هاوکاری لەگەڵ داگیرکەران لە ناوچەکانی ژێر دەسەڵاتی پەدەکە هەموو ڕۆژێک بە نموونەی نوێوە سەرهەڵدەدەنەوە.
لە کۆتایی ڕاگەیەنراوەکەشدا کەجەکە ڕایگەیاندوە: پەدەکە ڕێگەیان پێنادات هیچ شتێک بکەن کە بتوانێت خزمەتی گەلی کورد بکات، لە هەموو شوێنێک بەدوای سوپای تورکیادا دەگەڕێت، پێداویستییە لۆجستییەکانی بۆ دابین دەکات، ڕێگا بۆ ئەوان خۆش دەکات و دەیانبات بۆ پێگەی گەریلاکانی ئازادی کوردستان، دیارە ئەمە هیچ پەیوەندییەکی بە کوردبوون و بەهاکانی کوردەوە نییە، تا دوێنێ پەدەکە ئەم پەیوەندییە پیسەی لەگەڵ کۆماری تورکیا بەکارهێنا بۆ بەرەنگاربوونەوەی پارتی ئازادیمان.
