پێشمەرگە دێرینەکان هەڵوێستیان دژی داگیرکاری نیشاندا

پێشمەرگە دێرینەکان مەزاری شەهید ئارامیان بەسەر کردەوە و  لەسەر گڵکۆی شەهید ئارام  بەتوندی هەڵوێستی خۆیان   دژی داگیرکاریی تورکی داگیرکەر نیشاندا

کۆمەڵەی پێشمەرگە دێرینەکان و زیندانییانی سیاسیی  و بەشێک لە ئەندامانی تەڤگەری ئازادیی، مەزاری شەهید ئارامیان بەسەر کردەوە و لەسەر گڵکۆی  شەهید ئارامەوە پەیامیان دژی هێرشە داگیرکارییەکانی دەوڵەتی تورکی داگیرکەردا و وێڕای دژایەتییکردنی هێرش و داگیرکارییەکانی دەوڵەتی تورک، هۆشداریی بە لایەنە سیاسییەکانیش دەدەن، کە نەبنە ‌به‌شێك له‌ سوپای داگیركه‌ران.

ئێوارەی ئەمڕۆ سێشەممە ٢٧/٧/٢٠٢١ لە ناوچەی قەرەداغ لە گوندی تەنگیسەر لە سەر گڵکۆی شەهید ئارام(شاسوار جەلال)، کۆمەڵەی پێشمەرگە دێرینەکان و بەشێک لە زیندانیانی سیاسیی و ئەندامانی تەڤگەری ئازادیی کۆمەڵگەی کوردستان، دژی داگیرکاری هەڵوێستی خۆیان دەربڕی.

لەسەرەتای مەڕاسیمەکەدا، دەقەیەک بۆ گیانی پاکی شەهیدان وەستان و پاشان وتاری  پێشمەرگە دێرینەکان لە لایەن عەلی مەعرف-ە

خوێندرایەوە و تێیدا ئاماژەی بەوەکرد  “له‌م كاته‌دا هێرشی داگیركاریی له‌لایه‌ن ده‌وڵه‌تی توركیا و هاوپه‌یمانه‌كانییه‌وه‌ بۆسه‌ر گه‌له‌كه‌مان به‌ڕێوه‌ ده‌برێت، به‌هه‌مان شێوه‌ی ڕابردوویش هه‌ندێ هێز و لایه‌نی كوردیی، كه‌وتوونه‌ته‌ خزمه‌تی داگیركه‌ران و به‌ره‌ی خیانه‌ته‌وه‌، له‌م كاته‌دا هه‌ندێ هێزی كوردیی به‌تایبه‌تیش بارزانی و سه‌رانی پارتی دیموكراتی كوردستان، هه‌روه‌ك مێژووی ڕابووردوویان، ده‌بنه‌ پارێزه‌ری داگیركه‌ران و ده‌خوازن پێشكه‌وتن و ده‌ستكه‌وته‌كانی گه‌له‌كه‌مان بگه‌ڕیننه‌وه‌ خاڵی سفر.”

وتیشی: ئەگەر پیلانی A لێدان بێت لە هێزی پاراستنی گەل، ئەوا پیلانی B تارومارکردنی دەستکەوتەکانی گەلەکامانه‌ لە باشوور و قەوارەی هەرێمی کوردستان و وێرانکردنی شارەکانمانە.

باسی لەوەش کرد: وەک دەبینین، لە هەڵدانەوە و سوکایەتیی بە گۆڕی شەهیدانی عەفرین، دەست بۆ پیرۆزیی و سومبولی نەتەوەییمان دەبەن، به‌هه‌مان شێوه‌ش ناوی پیرۆزی پێشمه‌رگه‌ ناشیرین ده‌كه‌ن و ده‌یانكه‌نه‌ هاوشانی ژاندرمه‌ و میتی تورك و هه‌ندێ كات سیخوڕیشیان پێ ده‌كه‌ن، مەبەست لەو کارە قێزەوەنە دەیانەوێ كلتوری جوانی گه‌له‌كه‌مان تێك بده‌ن و مێژوومان هەڵتەکێنن.

جەختیشدەکەنەوە: لەو بەناو پێشمەرگانەی پارتی کە پەلکێشکراون بۆ شەڕی خوشک و برا گەریلاکانیان” دەکەن، “نەچنە ژێر باری ئەو خیانەتە نەبەخشراوە، بۆئەوەی شتیک نەکەن منداڵ و نەوەکانتان تف لە گۆڕەکانتان بکەن، لە سێبەری تاوان و گوناهی سەرکردەکانتان مەخەون ‌و له ‌جێی سیخوڕیكردن، هەواڵی جموجۆڵی لەشکری داگیرکەر بە گەریلا ڕابگەیەنن، ئەوەش بێگومان دەچێتە خانەی پارێزگاریی لە ئاسیشی نەتەوەییمان.

هاوکات سەروەر زیندانیی،

وتارێکی خوێندەوە و ئاماژەی بەوە کرد: ئێمە لە زیندان بۆ بەرگریی لە کوردستان و یەکڕیزیی کورد، بەرخۆدانمان کردووە، بەڵام بەداخەوە ئەم حزبانە ئێستا ڕێخۆشکەریی بۆ داگیرکردنەوەی کوردستان دەکەن، بەڕاستی نابێت هیچ زیندانییەکی سیاسیی ئەوە قبوڵ بکات.

وتیشی: دەبێت ڕێگە نەدەین شەڕی کورد و کورد دووبارە ببێتەوە، جارێکی دیکە کوردستان ئەنفال و کیمیاباران بکرێتەوە.

لە کۆتاییدا جاسمی ساز، شێعرێکی دەربارەی شەهیدی سەرکردە شاسورا جەلال (شەهید ئارام) خوێندنەوە.

هەروەها سلێمانی سەرسپی شیعرێکی خوێندەوە و تێدا ئاماژەی بە داگیرکارییەکانی دەوڵەتی تورکی داگیرکەر کە وێرانکاریی بەسەر کوردستان هێناوە.

هەروەها چێکی بکە

دادگا بڕیاری کۆتایی لەبارەی دوو لە دەسگیرکراوان دەرکرد

  پارێزەری دەستبەسەرکراوانی بادینان ڕایگەیاند راگەیاند، کە لە ئێستادا سزای هەریەکە لە بەدەل بەرواری و …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *