ته‌ڤگه‌ر کۆمه‌ڵگه‌یه‌کی ئازاد و دیموکرات و ژینگه پاریز
بابەتی پەیوەندیدار
وەزیری سەرچاوە ئاوییەكانی عێراق ڕایگەیاند، تورکیا نیازی هەیە ٢٠ بەنداوی دیکە لەسەر ڕووبارە دیجلە و فوڕات دروست بکات، بەهۆی سیاسەتی ئاویی توركیاوە و بەرنەدانەوەی پشكی ئاو بۆ وڵاتەکەمان، عێراق بە قەیرانێكی ئاویی خنكێنەردا تێدەپەڕێت.
عەون زیاب، وەزیری سەرچاوە ئاوییەكانی حکومەتی عێراق بە ڕۆژنامەی سەباح-ی ڕاگەیاندووە، عێراق بە قەیرانێكی ئاوی خنكێنەردا تێدەپەڕێت، کە خراپترین قەیرانە لە مێژووی ٧٠ ساڵەی عێراقدا و لە هەمانکاتیشدا تورکیا نیازی هەیە ٢٠ بەنداوی دیکە لەسەر ڕووبارە دیجلە و فوڕات دروست بکات.
ئەوەشی خستەڕوو، بەهۆی سیاسەتی ئاویی توركیا و بەرنەدانەوەی پشكی ئاو بۆ وڵاتەکەمان دوو ڕووبارى گەورەى ناوچەکەمان گۆڕاوە بۆ دوو ڕووباری سادە و بەوەش مەترسى لەسەر وشکبوونى بەشێک لە سەرچاوە ئاوییەکانى خاکەکەمان هەیە، عێراق تا ئێستا نەیتوانیووە ئەو كێشانەى لەبارەى ئاو هەیەتى بە كۆمەڵگەی نێودەوڵەتی بگەیەنێت.
