ئەحمەد قەرەمووس: گەیشتینە ئامانجی خۆمان

هاوسەرۆکی گشتی کەنەکە ڕایدەگەیەنێت، هەموو لایەک بە هەڵوێستێکی ئەرێنی  زۆر باش لەئاستێکی باڵادا پشتگیری خۆیان نیشانداوە و سەردان و کۆبوونەوەکانیشمان لە باشووری کوردستان کۆتاییهات و گەیشتینە مەبەست و ئامانجی خۆمان.

کۆنگرەی نەتەوەیی کوردستان(کەنەکە)، چاوپێکەوتنەکانی لەگەڵ کەسی یەکەمی حزبەکان و لایەنە سیاسی و کەسایەتییە دیارەکانی باشووری کوردستان، بەبۆنەی نزیكبوونەوە ١٠٠ ساڵەی ئیمزاكردنی پەیماننامەی لۆزان، کۆتاییهات و ئەحمەد قەرەمووس هاوسەرۆکی کۆنگرەی نەتەوەیی کوردستان وتی: کۆبوونەوە و چاوپێکەوتنەکانمان لەگەڵ هێز و لایەنە سیاسییەکان لە باشووری کوردستان بەرەو کۆتایی دەڕوات، ئێمە بە بەرنامە و پلان و ئامانجێکی دیاریکراوەوە هاتین، کە ئەویش یەک وتاری و یەکڕیزی و یەکهەڵوێستی هێز و لایەنە سیاسییە کوردییەکانە لە سەد ساڵەی لۆزاندا، بۆ ئەمەش لە ئاستی باڵادا لەگەڵیان کۆبووینەوە، بۆ ئەوەی ببینە وەڵامگۆ بۆ جیهان و ببینە ناسنامە و دەنگی کورد.

راشیگەیاند: سەبارەت بەو زنجیرە چالاکییەی کە لە شەش مانگی ئەمساڵدا ئەنجام دەدرێت دژ بە پەیماننامەی لۆزان لەگەڵ کۆنفرانسی شاری لۆزان، هەموو لایەک بەبێ جیاوازی کە سەردانمان کردوون و کۆبوونەوەمان ئەنجامداوە لەگەڵیان، بە هەڵوێستێکی ئەرینی زۆر باش لەئاستێکی باڵادا پشتگیری خۆیان نیشانداوە و بەشداربوونیان ڕاگەیاندووە و پیرۆزیان کردووە، لەبەر ئەمەش ئێمە وەک شاندی کۆنگرەی نەتەوەیی کوردستان لە باشووری کوردستان، گەیشتینە مەبەست و ئامانج ی خۆمان، لەوەش گرنگتر ئەنجامی چالاکییەکانمانە لە داهاتوودا.

وتیشی: ئێمە دڵنیاین ئەو هەڵوێستەی کە نیشاندراوە لە کۆنفڕانسی سەدساڵەی لۆزاندا ڕەنگ دەداتەوە، دەنگی گەلی خۆمان، هەڵوێستی خۆمان لەگەڵ داواکاریی و پرۆژەکەمان وەک کورد بە جیهان دەگەیەنین.

هەروەها چێکی بکە

دارئەلمەهروسای میسر کتیبێکی نوێی بەناوی “عەبدوڵا ئۆجالان، تێکۆشانێک کە لە دژی بەربەستەکان، ڕۆشنبیری خوڵقاندو دیوارەکانی تێپەڕاند”بڵاوکردەوە

دار ئەلمەهروسای میسری، کتێبێکی نوێی لەسەر تێکۆشان و فەلسەفەی عەبدوڵا ئۆ-جا-لان بەناونیشانی “عەبدوڵا ئۆ-جا-لان، تێکۆشانێک …

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *